Бунёди қасри фарҳанг дар ноҳияи Шаҳристон

0
577 просмотров

Дар рафти сафари корӣ ба ноҳияи Шаҳристон Раиси вилояти Суғд Абдураҳмон Қодирӣ аз мавзеи сохтмони Қасри фарҳанг, ки бинои замонавии он  дар маркази ноҳия бунёд мегардад, боздид намуд. Бояд қайд кард, ки бинои Қасри фарҳанг дар  рӯ ба рӯйи бинои МИҲД-и ноҳияи Шаҳристон ба таври замонавӣ сохта мешавад. Қасри фарҳанг мувофиқи лоиҳа дорои 600 ҷойи нишаст буда, барои кормандони бахши ҷавонон ва варзиш, инчунин бахши фарҳанг шароити корӣ муҳайё карда мешавад.Абдураҳмон Қодирӣ қайд намуд, ки бунёди Қасри фарҳанг ба симои ноҳия ҳусни дигар зам  хоҳад кард. Зеро ин мавзеъ дар ояндаи наздик ба макони истироҳативу фароғатӣ ва гашту гузори оммавӣ табдил дода мешавад. Раиси вилоят диққати сокинони ноҳияро ба рушди соҳаи сайёҳӣ ҷалб намуда, фароҳам овардани шароиту имконот барои қабули бештари сайёҳон дар ҳар хонадони ноҳияро мувофиқи матлаб шуморид. Зеро ноҳияи Шаҳристон мавзеъи хуби сайёҳӣ буда, имкониятҳои мавҷуда бояд самаранок истифода карда шавад. Зикр гардид, ки табиати ноҳияи Шаҳристон имконият медиҳад, ки соҳаи сайёҳӣ ва куҳнавардӣ дар ин минтақа рушд ёбад. Дар навбати аввал бояд ҳади ақал 500 хонаводаи ин минтақа барои қабули сайёҳон дар хонаашон шароити зарурӣ фароҳам биёваранд. Дар ин сурат ҳам рушди соҳаи сайёҳӣ таъмин мегардад ва ҳам 500 оила даромади иловагӣ ба даст меоваранд.

 

Манбаъ: сомонаи расмии МИҲД-и вилояти Суғд

 

 

Нет комментариев

Также рекомендуем

Форум “#ЛИВЕНЬLivingAsia – Экология&Медиа

18-19 сентября в Бишкеке прошел центрально-азиатский форум “#ЛИВЕНЬLivingAsia – Экология&Медиа” с участием представителей медиа сообщества, экологических НПО, госорганов и экспертов в области окружающей среды из ...