Буридани ҷангалзорҳо боиси камшавии муши паррон

0
427 просмотров

Муши паррон дар ҷангалзорҳои кўҳии қаторкўҳҳои Қурама, Туркистон, Зарафшон, Ҳисор, Дарвоз, Пётри I, Вахш, Ҳазратишоҳ ва Помири Ғарбӣ ва боғзорҳои дар ҳамворӣ ҷойгиршудаи Тоҷикистони Шимолӣ паҳн гардидааст.

Муҳити хоси сукунати муши паррон ҷангалзорҳои кўҳии сирак, паҳнбарг ва наздисоҳилӣ мебошад. Дар минтақаҳои баландкўҳ (2300-3400 метр аз сатҳи баҳр) дар нишебиҳои харсангдор, шах ва зери сангзорҳо зиндагӣ мекунад.

Дар минтақаҳои ҳамвор ва наздикўҳии Тоҷикистони Шимолӣ дар боғҳои мевадиҳанда (себ, гелос, зардолу) вомехўрад. Дар тарқиши дарахтон паноҳ меёбад.

Новобаста ба паҳншавии васеъ, дар даҳсолаҳои охир дар тамоми ҳудуди ареали муши паррон маҳдуд гардидани саршумори он ба назар мерасад. Дар ҷангалзори наздисоҳилӣ ва паҳнбарг саршумори он 2,2% дар 10 дом/шабонарўз ва дар боғҳои мевадиҳанда 3,8% дар 100 дом/шабонарўзро ташкил медиҳад.

Дар шароити ҷангалзорҳои кўҳии қаторкўҳи Ҳисор, охирҳои моҳи апрел, аввалҳои моҳи май афзоиш мекунад. Аз 2 то 7 бача таваллуд мекунад. Аз қисмҳои нашвии растаниҳо, тухм, мева, буттамева ва ҳашарот ғизо мегирад.

Сабабҳои камшумор гардидани муши паррон аниқ маълум нест. Буридани ҷангалзорҳои кўҳи боиси таназзули муҳити сукунати он мегардад. Дар шароити сунъӣ хуб парвариш меёбад.

Роҳ надодан ба буриши ҷангалзорҳои кўҳӣ, зери муҳофизат қарор додани мавзеъҳои сукунати антропогенӣ ва тарғиби донишҳои илмӣ оид ба ҳифзи муши паррон дар байни оммаи васеъи мардум.

Шодмон Ашӯров

Нет комментариев

Также рекомендуем

Роҳбари Facebook соҳиби фарзанд шуд

Ин хабарро Муассис ва сардори ширкати Facebook дар саҳифаи иҷтимоии худ ҷой намуд.  Пешбари Facebook ва ҳамсараш  Приссилла Чан соҳиби духтарча гардиданд. Инчунин соҳибкор номаеро, ки бо ҳасараш  Приссилла ...