Чӣ гуна дарзмолро бояд харид?

0
252 просмотров

Дарзмолҳое, ки имрӯз дар бозору мағозаҳо ба харидорон пешниҳод мешаванд, аз дарзмолҳои пешин  чӣ аз ҷиҳати сифат ва чӣ иҷроиши амалҳо намуна буданд, фарқи куллӣ доранд. Аммо ду хусусияте мавҷуд аст, ки барои соҳибхоназанон беҳад муҳиманд. Бинобар ин, дар вақти интихоби дарзмол ба онҳо ҳатман диққат бояд дод:

Тавоноӣ-иқтидор.Тез гармшавӣ ва то кадом  андоза устувор нигоҳ доштани гармӣ маҳз аз ин чиз вобаста аст. Дар фурӯш шумо дарзмолҳои иқтидорашон аз 800 то 2000 Вт ёфта метавонед. Аз ҳама иқтидори эътирофшудаю маъмул – 1600 Вт мебошад.

Сабукӣ. Ҳатто дарзмоли «чандинкора» низ агар баъди дарзмоли як рӯйҷо дастатонро монда кунад, хушнудатон намесозад.

Ба намуди «зоҳирии» дарзмол ҳам диққат диҳед – ин низ аҳамият дорад. Нӯги тез ва бораҳои тунук аз он шаҳодат медиҳанд, ки дарзмол ҳатто байни тугмаҳои зич шинонидашуда низ бемалол кор карда метавонад.

Ҳар қадар ки таги дарзмол лағжонаку ҳамвор бошад, ҳамон қадар тезтар дар рӯйи матоъ «медавад». Агар тагаш дағар-буғур, яъне шахшул бошад, сӯхтани патҳо ва доғдор шудани ҷилдҳою рӯйҷоҳо осон сурат мегирад. Аз ин рӯ, ихтироъкорони дарзмол мунтазам шаклҳои нави таги дарзмолро пешкаш мекунанд:

Алюминий. Ин мавод аз ҳама маъмулу арзон аст. Тез гарм мешавад ва сабук низ ҳаст. Танҳо як ноқисӣ дорад: метавонад ба осонӣ харошида шавад ё тугмаҳоро пахш созад.

Пӯлод. Дарзмоли тагаш аз пӯлод (нержавейка) аз алюминий  боэътимодтар аст. Аммо нисбат ба арзиз вазнинтар буда, каме дертар гарм мешавад..

Титан (як навъи метал). Рӯпӯши титанӣ халалнопазир асту таги дарзмол хеле ҳамвор. Ин гуна дарзмол дер гарм мешавад.

Керамика (сафол). Ин ихтирои навин аст. Ин гуна дарзмол ба таври аъло «медавад», бо латтаи оддӣ низ ба осонӣ тоза мешавад.  Ин навъи дарзмолро барои дарзмол кардани матоъҳои пахтагин ва катон (лён) истифода бурдан беҳтар аст.

Дарзмолҳои ҳозиразамон якчанд амали гувороро иҷро мекунанд. Масалан, об мепошанд, бӯғ медиҳанд.

Нет комментариев

Также рекомендуем

Вохӯриҳо аз моҳи апрел оғоз мегарданд

Аз чоруми апрел то дувоздаҳуми майи соли 2018 раисони шаҳру ноҳияҳои вилояти Суғд бо ҷавонони фаъоле, ки дар муассисаҳои таҳсилоти олӣ ва миёнаи касбии  шаҳри ...