Чӣ гуна пойафзоли чармии бахмалмонандро аз чирк тоза кардан мумкин аст

0
655 просмотров

Пойафзоли чарми бахмалмонанд зебо, қулай ва бениҳоят қимматбаҳо мебошад. Дар ҳавои боронӣ аз чирк тозанамудани  пойафзоли чарми бахмалмонанд  на он қадар осон аст. Бо ёрдами чӯткаи мулоим  пойафзоли чарми  нарми бахмалмонандро аз чанг  тоза менамоем. Агар пойафзоли чарми нарми бахмалмонанд тар ва  каме чиркин шуда бошад, зинҳор онро бо чӯтка тоза нанамоед. Дар мавриди аввал ба даруни  пойафзол газетаро монда онро  хушк  намоед. Баъд аз хушк шудан бо тартиб чиркашро тоза намоед ва баъд аз ин барои аз нав барқарор кардани  хобиши пат бо чӯткаи резинӣ онро рост намоед.  Пойафзоли чарми бахмалмонанд бо ёрии буғ хуб тоза мешавад. Ҷойҳои чирк  гирифтаи онро дар буғ якчанд дақиқа  дошта баъд бо ёрии чӯткаи металлӣ  ба як самт мешакем. Агар пойафзол бениҳоят зиёд чирк шуда бошад ва ба ин восита тоза карда нашавад, мебояд онро шуст.

Метавонед  ба об каме хокаи ҷомашӯиро ва ҷавҳари навшодир (нашатырный спирт)  илова карда бо он  пойафзолро шӯед. Ба пойафзол хокаи ҷомашӯиро рехта онро бо латта тоза кардан мумкин нест. Ингуна тарз бахмали пойафзолро вайрон  мекунад. Метавонед бо оби собунолуда ҳам  хело ботартиб  бахмали пойафзолро тоза  намоед ва нагузоред, ки пойафзол то охир тар шавад ва онро афшонда бо латаи каме  намнок  хушк намоед. Барои тағйир наёфтани қолабаш пойафзолро ба хона  мегузорем то бо ҳарорати хона  хушк  шавад.  Пойафзолро дар назди лавҳа гузоштан қатъиян манъ аст. Барои доғҳои равғаниро бартараф кардан  бензин хело хуб аз ӯҳдааш мебарояд, аммо  агар сифати ранги пойафзол паст бошад  бо бензин тоза намудани пойазол метавонад ранги онро тира намояд. Ба кор бурдани усулҳои кӯҳна низ мумкин аст. Ба рӯйи доғи равғанӣ талқ ва ё намак пошида муддате  нигоҳ доред  ва онро   бо латтаи нарм  пок намоед.  Барои тоза кардани пойафзоли чарми нарми бахмалмонанди  рангаш қаҳвагӣ  як намуди тадбири  ғайриодди мавҷуд аст дурдаи қаҳва. Он на ин ки тоза менамояд, балки пойафзолро тару тоза ва салқин низ менамояд. Агар баъд аз тоза намудан ба пойафзол боз  махсус парвараи  обчинаки обногузар  бишакед, он бахмали пойафзолро тоза ва хушбӯ мегардонад.

 

Нет комментариев

Также рекомендуем

Мулоқоти Сироҷидин Аслов бо Бердинияз Мятиев

Вазири корҳои хориҷии Ҷумҳурии Тоҷикистон Сироҷидин Аслов 19 октябр муовини вазири корҳои хориҷии Туркманистон Бердинияз Мятиевро, ки ҷиҳати муҳокимаи масоили марбут ба сафари расмии қарибулвуқӯи   ...