«Чакомаи гесӯ» — оғоз гардид

0
531 просмотров

Бахшида ба «Солҳои 2019-2021-Солҳои рушди деҳот, сайёҳӣ ва ҳунарҳои мардумӣ» ва бо мақсади баланд бардоштани мақому манзалати либоси миллии тоҷикӣ, ороишу парвариши мӯй дар доираи расму оинҳои миллӣ, тарғибу ташвиқи маросимҳои анъанавии мӯйбофию зулфандозӣ, ҷамолакбандию кокулбофӣ ва намоиши гесӯи дарози тоҷикона дар шаҳру ноҳияҳои вилояти Суғд давраи аввали Фестивал — озмуни вилоятии «Чакомаи гесӯ» гузаронида шуд.

ТТавре аз Раёсати кор бо занон ва оилаи вилоят иттилоъ доданд, Фестивал — озмуни вилоятии «Чакомаи гесӯ» аз рӯйи бахшҳои зерин сурат гирифт:

— бахши аввал ороиши мӯйбофии қадима. Дар доираи расму оинҳои миллии арӯсбарон, мӯйбофию зулфандозӣ, ҷамолакбандию майдабофӣ (кокул, пилтатовӣ, бадахшӣ, пӯпак ва дигар намуди ороиш) бо либосҳои хоси маҳал;

— бахши дуввум ороиши мӯйи идона. Дар доираи либосҳои идона ва арӯсӣ;

— бахши саввум ороиши мӯйбофии замони муосир. Дар доираи либосҳои расмӣ ва рӯзмарра. Аз рӯи ҳар бахш ғолибон муайян карда шуданд ва бо дипломи дараҷавӣ ва туҳфаҳои хотиравӣ қадрдонӣ гардиданд.

Инчунин ғолибони Фестивал-озмуни шаҳру ноҳияҳо барои иштирок дар Фестивал озмуни вилоятии «Чакомаи гесӯ» роҳхат гирифтанд.

Манбаъ: Хадамоти матбуоти раиси вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: