Чароғакҳои «доно» аз ширкати амрикоии AT&T

0
460 просмотров

Ширкати амрикоии AT&T шаҳрҳои ИМА-ро бо чароғакҳое таҷҳизониданӣ аст, ки ҳолати экологии шаҳрҳоро назорат карда метавонанд. Ин дар ҳақиқати муосир хеле аҳмияти муҳим дорад. Мониторинг дар вақти вақеӣ гузаронида мешавад. Аз ин рӯ ҳамеша маълумоти воқеиро дар бораи вазьи муҳити атроф дастрас кардан мумкин аст. Лоиҳаи мазкур дар доираи «Шаҳри доно» дар амал тадбиқ карда мешавад.

Чароғакҳои мазкур ҳарорати ҳаво ва таркиби кимиёвии онро ба қайд мегиранд. Инчунин тавассути ин дастгоҳ дар бораи танбаю зичии автомобилҳо дар роҳҳо, теъдоди ҷойҳои автомобилгузорӣ ва дигар маълумотро гирифтан мумкин аст. Минбаъд донистани ҳамаи ин натанҳо барои экологҳо, балки барои одамони оддӣ низ қулай ва дастрас мегардад. Барои насб намудани чароғакҳои доно аллакай 30 миллион доллар маблағ сарф карда шудааст. Нахустин шаҳре, ки дар он ҷо ин лоиҳаро тадбиқ карданиянд, ин шаҳри Сан-Диего мебошад. Баъдан насб намудани ин гуна чароғакҳоро дар дигар шаҳрҳои Амрико низ оғоз мекунанд.

Бояд қайд намуд, ки ин чароғакҳои доноро метеорологҳо ва экологҳо муҳим арзёбӣ ва баҳогузорӣ карданд. Пештар онҳо муайян намудани ҳолати воқеии вазъи экологӣ маҷбур буданд, ки якчанд маротиба санҷишҳо гузаронанд, ҳамаи ин албатта вақтро талаб мекард. Бино бар ин дар ҳолати зарурӣ дар бораи ҳолати экологӣ зуд ягон қарори муайян баровардан номумкин буд. Ҳоло бошад, бо воситаи истифодаи чароғакҳои роҳ анҷом додани ин кор нисбатан осон мегардад. Зеро натиҷаи мониторинг давоми 24 соат дастрас мебошад.

Нет комментариев

Также рекомендуем

Роспись по ткани

Всем нам хочется, чтобы дома было уютно и красиво. Если вы имеете хоть немного терпения и у вас есть желание заняться творчеством, вы можете попробовать ...