Бо иқдому дастгирии Раиси вилояти Суғд Абдураҳмон Қодирӣ ба корҳои ободонии шоҳроҳи Истиқлоли шаҳри Хуҷанд суръати тоза бахшида шуд. Тибқи иттилои дафтари матбуотии шаҳрдории Хуҷанд кормандони КВДК «Сарраёсати ободонӣ, хоҷагию манзилӣ вакомуналӣ»-и шаҳр то имруз аз маҳаллаи 3-юми шаҳр то истгоҳи БДА-и вилоят баҳри чароғонкунии ин шоҳроҳ беш аз 140 адад симчӯбҳои наву замонавӣ насб намуданд. Ҳамзамон гардишгоҳи маҳаллаҳои 8-12 таҷдиду азнавсозӣ гардида истодааст. Интизор меравад, ки гардишгоҳи номбурда кабудизор шуда, дар он ниҳолҳои сояафкан, гулу гулбуттаҳои ба мавсими зимистон тобовар шинонида мешавад.
Манбаъ: сомонаи расмии МИҲД-и вилояти Суғд
Нет комментариев