Samsung Galaxy S8
Чуноне маълум аст, Galaxy S8 дар моҳи апрел мебарояд. Бо барорабари наздик шудани санаи баромадани Galaxy S8 тамоми маълумоти муфассал дар бораи дастгоҳи нав низ ба табъ мерасад. Чанде қабл видеое ба табъ расида буд, ки бенчмарк-санҷиши флагмани Samsung дар AnTuTu-ро намоиш дод ва натиҷаи он ниҳояд ғайриоддӣ буд.
Samsung Galaxy S8
Нишондиҳандаи умумии Galaxy S8 аз руйи санҷишҳои стандартӣ 205284 холро ташкил дод! Ин зиёда аз 20000 нуқта нисбат ба Apple iPhone 7 бо натиҷаи 181807 нуқта ва аз 40000 нуқта зиёд нисбат ба OnePlus 3T мебошад, ки соҳиби дараҷаи пешсаф дар байни Android-смартфонҳо бо натиҷаи 162423 нуқта мебошад.
Вобаста ба минтақа флагмани Samsung дар ду тафсири протсессор бароварда мешавад: Qualcomm Snapdragon 835 ва Exynos 8895. Тафсири Snapdragon барои бозори Амрико ва Чин пешбинӣ карда шудааст. Тафсири Exynos дар ватани истеҳсолгар, дар Кореяи Ҷанубӣ мебарояд. Кадоме аз ин намуди дастгоҳҳо дар санҷишгузаронӣ иштирок карданд, аниқ карда нашудааст.
Samsung Galaxy S8
Samsung барои офаридани Galaxy S8 хеле заҳмат кашид. Чуноне пештар иттилоъ дода буданд, смартфон соҳиби танаи нисбатан борик ва экрани калон мешавад ва дар ду андоза дастрас мегардад. Ёдовар мешавем, ки нахустнамоиши Galaxy S8 санаи 29-уми март дар Ню Йорк баргузор мегардад ва аллакай дар моҳи апрел дастгоҳи нави деринтизор ба фурӯш мебарояд.
Нет комментариев