Тилло фулузи аввалинест, ки инсон кашф кардааст. Асрҳои зиёд он чун роҳи нигоҳдошти пасандоз ва чун ороишот ба кор бурда мешуд. Ва имрӯз бозори тилло интихоби бузурги ороишоти қимматбаҳо ва собиқаҳои тиллоиро пешниҳод менамояд. Аммо дар ин хел гуногунии маҳсулоти тиллоӣ аксари одамон ҳавасманд ба он ҳастанд, ки тамғаи маҳаки кадом тилло аз ҳама баланд аст. Барои инро фаҳмидан, бояд муайян кард, ки чӣ хел тамғаи маҳакҳо (пробаҳо) мавҷуд ҳастанд ва ба ҳар яки онҳо чӣ гуна тавсиф (характеристика) хос мебошанд.
Чӣ гуна тилло арзишмандтар аст?
Ороишоте, ки аз ин гуна фулузи зард омода гардидааст, онҳоро метавон маҳсулоти ҳақиқатан абадӣ номид, зеро онҳо сиёҳ намешаванд ва рангашонро иваз намекунанд. Аммо барои ин тиллое лозим аст, ки тамғаи маҳаки беҳтарин дорад. Хамчунин аз тамғаи маҳаки он ҳамин чиз вобаста аст, ки то чӣ андоза маҳсулот сахт мешавад. Саноати заргарии ватанӣ тамғаи маҳакҳои зеринро истифода мекунад: 375, 500, 585, 750, 958, 999. Биёед, махсусиятҳои ҳар яки онро бо назардошти ҳамаи ҷиҳатҳои мусбӣ ва манфии он муайян намоем. Тамғаи маҳаки 375 аз он дарак медиҳад, ки дар хeла 37,5 % тиллои холис мавҷуд аст. Вале асосан он аз нуқра ва мис иборат аст, ки аз ин боис маҳсулот бо ин тамғаи маҳак бо арзиши на он қадар баланди худ фарқ мекунад. Онҳо нисбатан мустаҳкам, аммо ҷилое, ки ба ороишоти нав хос аст, тез гум мешавад, яъне ороиши заргарии чунин тамғаи маҳакдошта тез тира мегарданд. Мутобиқ ба системаи қиротии аврупоӣ ченкунии таносуби миқдории тилло ва дигар фулузоти ҳархeла мавҷуд буда, тиллои 375 тамғаи маҳакдошта ба 9 кирот баробар аст (1 қирот ба 1/24баробар аст).
Тамғаи маҳаки 500 дар хeла вуҷуд доштани 50 % тиллои холисро шаҳодат медиҳад. Он ба 12 қирот баробар карда мешавад. Ба он хотир, ки чунин хeла ба коркард ба мушкилӣ дода мешавад, онро гоҳ — гоҳ барои офариниши зеварот истифода мебаранд. Ҳамчунин як андоза мушкилиро дар истеҳсоли маҳсулоти тамғаи маҳаки 500 дошта вобастагӣ аз таркиби фоизии мис ва тилло, ки ба тобиши ҷилои хeла таъсир мерасонад, нишон медиҳад. Маҳсулоте, ки аз ҳамин гуна хeла сохта мешавад, баъди гузашти якчанд сол бисёр хира мешаванд. Бинобар ин арзиши онҳо он қадар баланд нест. Дар тамғаи маҳаки 585 фоизи тилло 58, 5 буда, ҳиссаи боқимондаро бошад, нуқра, палладий, никел, мис барин фулузот ташкил медиҳад. Ин тамғаи маҳак ба 14 қирот баробар меояд. Ин гуна тилло бисёр мустаҳкам буда, бо гузашти чандин солҳо хира намегардад. Дар баробари ин ба хeла илова гаштани фулозоти дар боло зикр намуда, имкон медиҳад ки маҳсулоти рангашон гуногунро ба даст оваранд (онҳо метавонанд сурх, сафед ё ин ки сабз бошанд). Маҳз ҳамин тамғаи маҳак беҳтарин ва дастрастарин аз ҷиҳати арзиш дар давлати мо ба ҳисоб меравад ва инчунин дар мо он ба сифати стандарти тиллоии маҳсулоти заргарӣ шинохта шудааст. То соли 1995 тамғаи маҳаки 585 ҳамин хел буд ва ҳоло ҳам талабот ба ин намуди маҳак зиёд аст. Тамғаи маҳаки 750 вуҷуд доштани 75% тиллои асилро нишон медиҳад ва ҳамин намуди тамғаи маҳак ба 17 қирот мутобиқат менамояд. Ин хeла бо илова намудани мис, никел, нуқра, платина фарқ мекунад. Ин хел маҳсулоти тиллоӣ мустаҳкамии миёнаро доро мебошанд. Ғайр аз ин хeла хеле хуб ба коркард дода мешавад ва аз ин рe заргарон истифодаи онро баҳри офариниши зару зеварҳои зебо дӯст медоранд. Онҳо соҳиби эътибору нуфуз буда, бисёр гаронбаҳоянд, бинобар ин на ҳар истифодабаранда метавонад онро ба даст оварда бошад. Сифати баландро тилло бо тамғаи маҳаки 958 доро аст, ки ба 23 қирот мувофиқ аст. Дар таркиби он 95,8 % фулузи зарди холис вуҷуд дорад. Маҳсулоти ин хел тамғаи маҳакдоштаро аз рӯи ранг аз тиллои холис амалан фарқ кардан мумкин нест. Бо ин ҳама ин хeла бисёр мулоим буда, ороиши заргарии ин тағаи маҳакро метавонед ба осонӣ харошида бошед, ки дар натиҷа намуди ибтидоии берунаи он гум мешавад. Аз ҷиҳати арзиш ҳам ин гуна тилло бисёр қиммат буда, заргарон аҳёнан аз он зеварот тайёр менамоянд. Тамғаи маҳаки 999 аз ҳама баландтарин аст ва ба 24 қирот баробар аст. Ин хeла дорои мулоимият буда, бисёр тез дигаргун мешавад ва ин боис заргарон онро барои ороиш баъзан ба кор мебаранд. Чун қоида аз он, рафъҳои (вставка) зинатӣ дар маҳсулоти заргарӣ тайёр намуда, аз болояш бо тиллои мустаҳкамии зиёд дошта, сахт мекунанд (масалан бо тиллои 585 маҳакдошта). Маҳсулоти тамғаи маҳакдоштаи 999 бисёр гаронқадр мебошанд.
Дар мамлакатҳои гуногун муносибат ба тилло гуногун аст. Дар мамлакати мо ва дигар давлатҳои собиқ Иттиҳоди Шӯравӣ маҳсулоти тиллоии тамғаи 585 маҳакдоштаро афзалтар медонанд. Чунки онҳо аз ҷиҳати нарх ва сифат мувофиқ ҳастанд. Аҳёнан қадршиносони тилло маҳсулоти тамғаи маҳаки 750 доштаро мехаранд. Лекин дар мамлакатҳои европоӣ таваҷҷeҳи бештар маҳз ба тамғаи маҳаки 750 доранд. Масалан дар Италия ба даст овардани зеварот аз тамғаи маҳаки 750 –ро дeст доранд, аммо дар Швейцария фурӯхтани маҳсулоти тамғаи маҳаки пастдошта умуман манъ гаштааст.
Манбаъ: http://topkin.ru/best/
Нет комментариев