ЧӢ ТАВР МАЙОНЕЗИ ХУБРО АЗ БАД ФАРҚ КАРД

0
918 просмотров

Қоидаи 1. Дониста монед, ки танҳо ширкатҳое, ки солиёни дароз ба истеҳсоли майонез машғуланд, маҳсулоташон босифату хуштаъм аст. Зеро онҳо аллакай дар коркарди ин гуна маҳсулот таҷрибаи кофӣ доранд.

Қоидаи 2. Нишонаи дигари майонези хубу босифат ин қуттии хушсифат сохташуда мебошад. Танҳо ширкатҳои калон ва баобрӯ қуттиҳои полиэтилении устувори майонезро сохта метавонанд.

Қоидаи 3. Ҳангоми харидани майонез ҳатман ба мӯҳлати истифодабарии он диққат диҳед. Чӣ қадаре, ки мӯҳлати истифодабарии майонез дароз бошаду дар таркибаш равғани растанӣ кам бошад, консервантҳо ҳамон қадар зиёданд.

Қоидаи 4. Ба шакли зоҳирӣ ва таъми майонез ҳам диққат диҳед. Агар ҳангоми кушодани майонез ҳубобчаҳо ба назар расанд, пас дониста монед, ки он вайрон шудааст. Буридан ва ҷудо шудани равған гувоҳи он аст, ки ҳангоми тайёр кардан ба дастури омодасозӣ ё ба қоидаҳои нигоҳдории маҳсулот пурра риоя накардаанд.

Қоидаи охирон. Барои муайян намудани он ки майонез хуб аст ё не, як қатраи онро ба рӯйи лаълӣ чаконед, агар қатра муддати 25-30 дақиқа об нашавад, пас маълум мешавад, ки сифати майонез хуб аст.

 

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: