Чи тавр пирог бо карамро омода намуд

0
108 просмотров

Маҳсулот барои пироги номбурда: 3 истакон орд, 1 истакон об, 3 дона тухм, 50 грамм хамиртуруш, 150 грамм равғани маска, намак, 500 грамм карам, 1 дона сабзӣ, 1 қутти ҷурғот ва равғани растанӣ.

Омода кардан:

Ордро гирифта ба он 1 дона тухм, ҷурғот, хамиртуруш, об, равған, маска ва намак андохта, хамир молед ва дар ҷои гарм нигоҳ доред. Баъдан, карамро шуста, майда реза намоед ва дар равғани растанӣ бирён кунед, ҳамчунин ба он сабзӣ ва пиёз илова кунед. Ду дона тухмро обпаз карда, баъди тайёр шудан бо каме намак ба он андозед. Мувофиқи табъ метавонед зира низ илова кунед. Инак, хамир расид ва онро гирифта рост кунед. Хамир бояд на тунук ва на он қадар ғафс ояд. Маҳсулоти тайёршударо ба даруни хамир андозед ва нӯгҳои хамирро ба ҳамдигар часпонед. Пироги шумо бояд шакли доираро гирад. Онро бори дигар монанди нон рост кунед, то ки маҳсулоти дохилбуда баробар тақсим гардад. Пирогро гирифта, дар тафдон дар ҳарорати 180 дараҷа 40 дақиқа пазед. Чун пирог пухт, аз болояш бори дигар камакак равғани маска молида, истеъмол кунед. Бо иштиҳои том!

Нет комментариев

Также рекомендуем