Чипи имплантикунонидашуда ба маъюб дасташро баргардонид.
Олимон аз Feinstein Institute for Medical Research дар Манхассети Иёлоти Муттаҳидаи Амрико ба ҷавонмарди маъюб чипе насб карданд, ки барои барқарор намудани ҳаракати дасташ кўмак кардааст. Аввалин маротиба пас аз ҷароҳати вазнин бардоштанаш ҷавонмард тавонист, ки ҳаракатҳои на он қадар душворро иҷро намояд. Яъне инҷо мавқеи кори чип назаррас мебошад, зеро маҳз дар натиҷаи ба мағзи сар бонг фиристодани чипҳо ҷавонмард тавонист, ки дасташро ба ҳаракат дарорад, менависад маҷаллаи Nature.
Амалиёти беҳамто.
Духтурон ду сол қабл чипи махсусро ба мағзи сари Иан Бурхарти 24-сола насб намуда буданд. Ҳангоми бо дасти чап фиристодани бонг бо ёрии чип ба мағзи сар, ба марди ҷавон муяссар шуд, ки панҷаҳои дасти росташро ба ҳаракат дарорад.
Бурхарт ҳаракатҳоро аз оинаи компютер нусхабардорӣ мекард ва тадқиқотчиён бошанд, ҳамзамон тавассути тамографияи функтсионалии магнитӣ-резонансӣ фаъолнокии мағзи сари ҷавонмардро назорат мекарданд. Онҳо тавонистанд, ки бо гузаронидани бонги чип аз қисми гардан алоқаи байни даст ва мағзи сарро барқарор намоянд.
Воситаи ояндадор.
Марди ҷавон ҳоло на ҳама ҳаракати тавассути рўи экрани компютер намоишдодашавандаро омўхтааст, вале аз ўҳдаи иҷрои ҳаракатҳои оддӣ аниқ баромада тавониста истодааст. Масалан, Guitar Hero-ро навохта метавонад. Тадқиқот нишон дод, ки ҷароҳати бардоштаи ҷиддии организми инсон ҳатто пас аз гузаштани солҳо ба азнавбарқароршавӣ қодир аст.
Ин гуна таҷрибаҳо қаблан дар маймун гузаронида шуда буданд. Таҷрибагузаронии мазкур бо Бурхарт баҳри пешбарии тадқиқотҳои минбаъда ба олимони соҳа дар ин кор боз як боварӣ, эътмод ва қувва мебахшад. Зеро ба ҳар ҳол исон қодир будааст, ки тавассути фикрронӣ ҷисми беҳаракатшудаи худро боз аз нав ба ҳаракат дарорад.
ҚУРБИ РАСМИИ АСЪОР БАРОИ ИМРӮЗ 06.04.2019
Бонки миллии Тоҷикистон имрӯз қурби асъори хориҷиро нисбат ба сомонӣ (асъори миллии Тоҷикистон) чунин муқаррар кардааст: 1 доллари ИМА — 9.4389 сомонӣ; 1 евро – ...
Нет комментариев