Дар ноҳияи Масчоҳ 6 чоҳи амудӣ кофта, мавриди баҳрабардорӣ қарор дода шудаанд, ки 150 гектар заминҳои киштро обёрӣ мекунанд.
Ин ташаббус дар доираи Барномаи рушди иқтисодии деҳот амалӣ гардида, барои амали намудани 10 лоиҳа 160 ҳазор доллари ИМА бо дастгирии молиявии Барномаи Рушди Созмони Миллали Муттаҳид дар Тоҷикистон равона гардидааст. Ҳамзамон барои ин кор аз ҳаҷми маблағҳои умумӣ 20 фисад, яъне 32 ҳазор доллар аз ҷониби Мақомоти иҷроияи ҳокимияти давлатии вилояти Суғд ва аз ҳисоби худи роҳбарони хоҷагиҳои деҳқонӣ маблағи пешбинӣ гардида, масраф шудааст.
Дар маҳаллаи 40-солагии Дилварзин бо харҷи қариб 160 ҳазор сомонӣ, чоҳи амудӣ кофта шуда, заминҳои наздиҳавлигии сокинони ин маҳал бо оби полезӣ ва худи сокинон бо оби ошомиданӣ таъмин гардиданд.
Ба хамин монанд заминҳои хоҷагии деҳқонии Ҳоҷимирниёз дар майдони беш аз 50 гектар, хоҷагии деҳқонии Шоҳрухмирзо дар ҳудуди 30 гектар, 29 гектар заминҳои хоҷагии деҳқонии «Саидиёни дашт», беш аз 15 гектар заминҳои хоҷагии деҳқонии Ҳоҷӣ Амонулло ва 30 гектар заминҳои хоҷагии деҳқонии Далери Нури ноҳияи Мастчоҳ, дар маҷмӯъ беш аз 150 гектар бо оби полезӣ таъмин шуданд.
Қобили қайд аст, ки ҳар кадоми ин лоиҳа бо саҳмгузории то 50 дар сади хоҷагидорон амалӣ гардидааст. Баъди аз байн рафтани танқисии об аллакай дар заминҳои як қисми хоҷагии деҳқонӣ, аз ҷумла Далери Нур кишти такрорӣ гузаронида шуд.
Дар ин бора khovar.tj хабар медиҳад.
Нет комментариев