Чорабиниҳои наврӯзӣ дар муассисаҳои иҷтимоии вилоят

0
543 просмотров

Бо ибтикори Мақомоти иҷроияи ҳокимияти давлатии вилояти Суғд ва дастгирии сарпарастон рӯзи гузашта бахшида ба Иди байналмилалии Наврӯз дар ҳамаи муассисаҳои иҷтимоӣ чорабиниҳои идона доир гардид ва наздик 2000 нафар бошандагони ин муассисаҳо ба аёдату ғамхорӣ фаро гирифта шуданд.

Чорабиниҳои идона дар Муассисаи махсус барои кӯдакони қувваи босираашон суст ва нобинои шаҳри Хуҷанд, Маркази минтақавии хизматрасонии иҷтимоӣ ба пиронсолон ва маъюбон дар шаҳри Хуҷанд, Муассисаи давлатии махсусгардонидашудаи табобатии Хона кӯдакони шаҳри Хуҷанд, Мактаб-интернати ёрирасони шаҳри Хуҷанд, Мактаб-интернати махсуси бачагони қувваи босираашон суст ва зарири шаҳри Исфара, Хонаи бачагони шаҳри Исфара, Хонаи кӯдакони байниноҳиявии шаҳри Истаравшан, Мактаб-интернат барои кӯдакони ятиму бепарастор ва аз оилаҳои камбизоати шаҳри Истаравшан, Муассисаи таълимии парваришгоҳи шаҳри Конибодом, Хона-интернати пиронсолон ва маъюбони шаҳри Панҷакент, Мактаб-интернати Мақомоти иҷроияи ҳокимияти давлатии вилояти Суғд дар шаҳри Бӯстон, Интернати наздимактабӣ барои кӯдакони ятиму бепарстор ва аз оилаҳои камбизоати ноҳияи Спитамен, Интернати наздимактабии ноҳияи Ашт, Мактаб-интернат барои кӯдакони ношунавои ноҳияи Бобоҷон Ғафуров, Интернати наздимактабии ба номи Дадоҷон Бойматови ноҳияи Шаҳристон, Мактаб-интернат барои кӯдакони ятиму бепарастор ва аз оилаҳои камбизоати ноҳияи Кӯҳистони Мастчоҳ ва ғайраҳо доир шуданд.

Дар ҳамаи чорабиниҳо намояндагони Мақомоти иҷроияи ҳокимияти давлатии вилояти Суғд ва шаҳру ноҳияҳо иштирок намуда, бошандагони муассисаҳои иҷтимоиро аз номи Раиси вилояти Суғд Раҷаббой Аҳмадзода ба Иди Наврӯз табрик намуданд. Аз ҷониби сарпарастони муассисаҳо ва кормандони бахшҳои фарҳанг барои бошандагон дастархонҳои идона ороста шуда, барномаҳои фарҳангии идона пешниҳод гардид.

Манбаъ: Хадамоти матбуоти Раиси вилояти Суғд

Нет комментариев

Также рекомендуем

Комроншоҳ аз Бозиҳои Осиё-2018 бо ду медал баргашт

Шаби 3-4 сентябри соли 2018 як гурӯҳ варзишгарони тоҷик – иштирокчиёни Бозиҳои Осиё-2018 тавассути хатсайри Ҷакарта-Дубай-Душанбе ба Ватан баргаштанд. Миёни варзишгарон ҷоизадори бозиҳо, варзишгари маъруфи ...