Чорабиниҳои рангин ба ифтихори 15-солагии Радиои “Тироз”

0
406 просмотров

Имрӯз ба таъсисёбиву пахши нахустин барномаи Радиои “Тироз” 15 сол пур шуд. Воқеан, 1-уми марти соли 2001 барномаи аввалини радио рӯи мавҷи 103,7 FM баромад. 15 сол аст, ки бо барномаҳои ҷолибу муфид ва шавқовару меҳровар меҳмони кошонаҳои мардуми вилояти Суғд мегардад. Барномаҳои иттилоотии радио ҳамарӯза бо хабару навигариҳои наву тоза пешкаши шунавандагони сершумор гардонида мешавад ва мардумро бо ҳодисаву воқеаҳои ҷумҳурӣ ва вилоят соҳибиттилоот менамояд. Аз давраи таъсисёбиаш ин ширкат тавонист ба эътимоди шунавандагони сершумори хеш сазовор гардад. Имрӯз Радиои “Тироз”-ро на танҳо дар хонадони сокинони шаҳри Хуҷанд, балки амалан дар тамоми вилояти Суғд шунида мешавад. Радиои “Тироз” – нахустин радио дар ҷумҳурӣ мебошад, ки пахши барномаҳои хешро дар формати FM, дар мавҷи 103,7 FM ба роҳ монд. Аз рӯзҳои нахустини фаъолият, радиои “Тироз” дар формати иттилоотию мусиқавӣ кор мекунад ва давомнокии пахши барномаҳо 21 соат, ҳар рӯз аз соати 6:00 то 3:00-и субҳи дигар мебошад. Барномаҳои радио ба таври мустақим ва сабт бо забонҳои тоҷикӣ ва русӣ пахш карда мешаванд. Ба ифтихори 15-солагӣ бошад, радиои “Тироз” бо барномаҳои наву рангин ва пурра бо пахши мустақим аз субҳи барвақт, соати 6:00 то 24:00 тақдими шунавандагон гардонида мешаванд. Армуғони Радио имрӯз барои сомеон ин аст, ки пахши барномаҳои имрӯза бе эълону реклама ба роҳ монда мешавад ва комилан ба таври мустақим.

Нет комментариев

Также рекомендуем