Чой ҳамчун дору

0
412 просмотров

Чой-нӯшокии аз ҳама зиёд истеъмолшаванда дар ҷаҳон мебошад. Дар садсолаи охир баъди он ки бисёр мутахассисон ба таври илмӣ тасдиқ намуданд, ки он барои саломатӣ фоида дорад, талабот ба он боз ҳам зиёдтар гардид. Вақтҳои охир олимон боз як хусусияти мусбии онро муайян карданд: ҳамагӣ 3 пиёлаи он дар як рӯз эҳтимолияти сактаи дилро 20% паст мегардонад.

Баъди истеъмоли доруҳои ҷиддӣ, баъди истеъмоли миқдори зиёди нӯшокиҳои спиртӣ нушидани якчанд пиёлаи чой ба организм таъсири хеле муфид мерасонад.

Растании чой хатари саратонро дар синаи занҳо ва саратони простатаро дар мардҳо маҳдуд месозад.  Баъзе тадқиқотҳо исбот мекунанд, ки истеъмоли чой аз нури ултрабунафш муҳофизат мекунад.

Бояд иқрор шуд, ки дар масъалаи пешгирии саратон на ҳамаи мутахассисон ба муфид будани он розианд. Масалан, ба беморҳои онкологӣ, ки доруҳои зидди саратони мағзи сарро истеъмол менамоянд, ин нӯшоки танҳо зарар дорад, огоҳ мекунанд духтурони Донишгоҳи Калифорнияи Ҷануби. Истеъмоли чойи кабуд дар ҳамбастагӣ бо истифодаи доруҳои дар боло номбаршуда табобатро бесамар мегардонад.

Чой бемории дилу-рагро пешгири мекунад. Вале як чизро бояд дар хотир дошт, ки истеъмоли аз хад зиёди чой барои занҳои хомиладор хатарнок аст.

Истеъмоли беандозаи ин нӯшокӣ Шуморо ҳушёр мегардонад, махсусан вақте, ки Шумо монда шуда бошед, махсусан чойи кабуд, ки он дар таркиби худ нисбат ба чойи сиёҳ зиёдтар кофеин дорад.

Ғайр аз ин чой дар мубориза бо таҷоҳум яъне (стресс) ёри мерасонад – он рагҳоро васеъ мекунад.

Дар бораи он, ки ватани чой Хитой аст, ҳамаи муаллифон ҳамфикранд. Вале кай истеъмоли онро сар карданд, аниқ маълум нест. Баъзеҳо кашфи чойро ба императори Хитои Ҷанубӣ Чен Нунгу  нисбат медиҳанд. Гарчанде якчанд фарзияҳои дигар вуҷуд доранд.

Дар Аврупо чой дар соли 1600-ум бо туфайли ширкати бритонии Ост-Хинд пайдо шуд.

Дар Русия чой аввалин бор соли 1638-ум пайдо шуд. Алтинхони муғул ба сафири рус Василий Старков ба сифати тӯҳфа ба подшоҳи рус 4 пуд барги хушки чойро супорид. Старков аз моҳияти тӯҳфа огоҳӣ надошт. Аз ин рӯ хафа шуд. Баъдтар нафаре ҷушонидани ин баргро ёд дод ва ба шоҳ маъқул шуд. Аллакай баъди 10 сол дар бозорҳои Маскав даҳ намуди чой фурӯхта мешуд. Дар аввал онро ҳамчун дору истифода мебурданд. Ба камбағалон чой дастнорас буд, чунки он хеле гарон буд.

Нет комментариев

Также рекомендуем