COVID-19: Дар шаҳри Хуҷанд Маркази тамоси шабонарӯзӣ фаъол гардид

0
169 просмотров

Имрӯзҳо дар маркази вилояти Суғд- шаҳри Хуҷанд Ситоди шаҳрӣ оид ба пешгирии паҳншавии  бемории сироятии COVID-19 таъсис ёфта, фаъолияти он шабонарӯзӣ ба роҳ монда шудааст. Ҳадафи он сари вақт баррасӣ намудани муроҷиати шаҳрвандон доир ба масъалаи пешгирӣ аз паҳншавии бемории сироятии коронавирус мебошад.

Тавре ба хабарнигори АМИТ «Ховар» аз маркази матбуоти Мақомоти иҷроияи ҳокимияти давлатии шаҳри Хуҷанд хабар доданд, ҳамзамон дар назди Раёсати тандурустии вилоят бо телефони кӯтоҳи  211 ё   83422-5-54-50 ва 83422-6-08-65  Маркази тамос шабонарӯзӣ фаъол аст. Ҳоло баҳри баррасии муроҷиати саривақтии сокинон дар назди тамоми марказҳои саломатии шаҳр телефонҳои боварӣ ва алоқаи видеоӣ низ тариқи шабакаи IMO роҳандозӣ гардидаанд, ки сокинони шаҳр дар сурати ба миён омадани зарурат оид ба гирифтани  маслиҳат, ташхис, бистаригардонӣ ва мушкилоти саломатии худ метавонанд бо он  тамос гиранд.

Ҳамзамон аз ҷониби Ситоди шаҳрӣ бо ҷалби табибон ва ҷавонону фаъолони ҷомеаи шаҳрвандӣ марказҳои иртиботӣ таъсис гардидаанд, ки шаҳрвандон метавонанд ба онҳо муроҷиат намоянд.

Манбаъ: АМИТ «Ховар»

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: