Даҳгонаи миллиардерони IT-и ИМА дар маҷаллаи Forbes

0
108 просмотров

Одамоне, ки дар соҳаи технологияи иттилоотӣ даромади зиёд ба даст овардаанд,  соҳиби иззату эҳтиром гардидаанд,  зеро ки дар паси  молу мулк,  ғояҳои онҳо,  на ин ки қобилияти «бо шахсони зарурӣ» дӯстӣ кардану алоқа доштан  меистад. Рӯйхати  даҳ  нафар  сарватмандтарин миллиардерҳои IT-ии Амрикоӣ дар  маҷаллаи бонуфузи Forbes интишор шудааст.

  1. Майкл Делл (дороияш – 19,2 млрд $)

Сардори истеҳсолкунандаи дар ҷаҳон  машҳури  ПК- тиҷорати  худро соли 1984 оғоз кардааст. Ҳуҷраи Делл дар хобгоҳ, ба сифати утоқи корӣ  хизмат мекард. Сармояи аввалини ӯ  $ 1 000-ро ташкил менамуд. Директори генералии ширкати нав он вақт ҳамагӣ 19-сол дошт. Делл аввалин шуда, тавонист тавассусти интернет компютерҳои худро фурӯшад ва аз оғози кор ӯ аз хизматҳои миёнаравон  истифода набурдааст. Ба ӯ ҳамчунин муаллифии таъсиси технологияи хусусии компютерҳои  Dell, ки тибқи дархости муштарӣ  фавран  дар анбор ва мағозаҳо ҷамъ мешаванд, тааллуқ дорад.

  1. Лорин Пауэлл Джобс ($19,5 млрд)

Лорин ҳамсари муассис ва роҳбари ширкати Apple Стив Ҷобс,  аз соли 1991 то соли 2011 буд.  Баъд аз марги Стив, бевазан соҳиби мерос дар ҳаҷми 10 миллиард доллар, ки бо гузашти вақт ҳамеша зиёд шуда меистод, гардид. Даромади назаррасро ба вай ҳамчунин коғазҳои қиматноки Apple меоваранд.

  1. Стив Балмер ($21,5 млрд)

Топ-менедҷери аҷиб аз Microsoft соли 2014 ба истеъфо рафт , аммо яке аз сарватмандтарин одамони ин ҷаҳон боқӣ мемонад. Ҳангоми фаъолияти худ дар ин ширкат аз соли 1986, Балмер қоғазҳои қиматнокро ҷамъ намудааст- ҳоло саҳмияҳои ӯ  333, 2 млн-ро ташкил медиҳанд.

  1. Джек Ма (22,7 млрд $)

Соҳибкори чинӣ, Джек Ма – self-made man –и ҳақиқӣ (марде, ки худро сарватманд сохтааст) аст. Муаллими оддии забони англисӣ, ки  ҳамагӣ дар як моҳ 12 $ ба даст меовард,  соли 1999 платформаи тиҷоратии Alibaba-ро таъсис дод.  Имрӯз, «Alibaba»  дар гардиш аз Amazon ва eBay пешсаф аст, аз болои 80% -и тиҷорати электронии ҶМЧ назорат мебарад. Ягона чизе, ки Ma натавонистааст аз ӯхдааш барояд, ин дохил шудан ба донишгоҳи Ҳарвард (Гарвард) мебошад.  Ӯ иқрор шуд, ки 10 маротиба ҳуҷҷатҳои худро  ба ин донишгоҳ пешниҳод намудааст, аммо  ҳамеша ноком мегардид.

  1. Сергей Брин ($29,2 млрд)

Сергей Михайлович Брин соли 1973 дар Москави шӯравӣ таваллуд шудааст. Лоиҳаи диссертатсионии  Брин ба системаи ҷустуҷӯии донишгоҳ- BackRub бахшида шуда буд. Аз он баъдан системаи ҷустуҷӯии дар ҷаҳон машҳури Google тавлид ёфт. Яке аз аввалин сармоягузорон, аз ин чунон хурсанд буд, ки бе ягон дудилагӣ чек дар ҳаҷми 100,000 доллари ИМА-ро ба номи ширкати ҳоло вуҷуд надоштаи Google Inc.ба имзо расонид.  Ин моҳи августи соли 1998 ба вуқӯъ пайваста буд.

  1. Ларри Пейдж ($29,7 млрд)

Шиносоии  Ларри бо аспирант-ҳамкасбаш оид ба мат/фак-и Донишгоҳи Стэнфорд, Сергей Брин нақши тақдирсоз гузошт. Онҳо ҳамроҳ  системаи ҷустуҷӯии Google –ро таҳия намуда, ширкати ҳамномро таъсис доданд. Аз соли 2011, Ларри Пейдж директори генералии  Google мебошад.

Пейдж – мухлиси энергетикаи «сабз» аст. Хонаи ӯро дар Пало-Алто бо энергия,  элементҳои  сӯзишворӣ ва манбаъҳои геотермалӣ таъмин менамоянд.

  1. Марк Зукерберг ($33,4 млрд)

Писари  дандонпизишк  ва табиби бемориҳои руҳӣ ба барномасозӣ ҳанӯз аз даврони мактабхониаш шавқу рағбати беандоза дошт. Дар соли 2002 Марк ба Донишгоҳи Ҳарвард дохил шуда,  ду сол барои гирифтани ихтисоси «Психология» (вале тамом карда натавонист) таҳсил намуд. Дар баробари ин, ӯ дар IT-курсҳо иштирок намуда, дар он ҷо ҳафт забонро омӯхт. Соли 2004, Зукерберг ҳамроҳи ҳамхонаҳои хобгоҳаш шабакаи иҷтимоии The facebook-ро дар донишгоҳ таъсис доданд. Соли 2006-ум , Facebook барои ҳамаи хоҳишмандони аз 16-сола боло кушода шуд.

  1. Ҷефф Безос ($34,8 млрд)

Соҳибкори Амрикоӣ дар тиҷорат  (Безос «интернет –мағоза» -и Amazon.com-ро биёфарид ), технологияҳои кайҳонӣ (муассис ва роҳбари ширкати аэрокайҳонии Blue Origin) ва калимаи чопӣ (соҳиби хонаи нашриётии The Washington Post) ҳамто надорад. Дар робита ба ин, муваффақиятҳои молиявии ӯ низ тааҷҷубовар аст – дар  чор соли охир, сарвати Ҷефф қариб ду баробар зиёд шуд.

  1. Ларри Эллисон ($54,3 млрд)

Ларри собиқадори IT-и ҷаҳонӣ мебошад. Сармоягузории бозории Oracle ба 177 миллиард доллар баробар аст.  Ин  соли охирини фаъолияти Ларри дар ҳайси директори генералӣ  буд.  Пас аз қариб 38 сол, ӯ  вазифаи директори генералиро тарк намуд ва диққати худро ба масъалаҳои рушди коркарди  Oracle равона кард.

  1. Билл Гейтс ($79,2 млрд)

Уилям Генри Гейтси III, аз овони кӯдакӣ компютерро дӯст медошт. Дар синни 13 солагӣ, ӯ барномаи аввалини худ- бозии «Крестики-нолики»- ро дар  «бейсик» навишт.

Билл Гейтс, шӯҳрати  бардавомро ҳамчун  офарандаи системаи оператсионии Microsoft Windows (1985) ба даст овард. ОC-и дар  1,5 миллиард компютерҳои дар саросари ҷаҳон коркунанда, Гейтс- ро сарватмандтарин одами сайёра гардонид. Ӯ 20 маротиба пай дар пай марди сарватмандтарини Амрико ва 16 маротиба сарватмандтарин марди ҷаҳон гардидааст.

Сарчашма:  matrix-tv.tj

Нет комментариев

Также рекомендуем