Даҳгонаи пешсафони ҷаҳон аз рӯи ҳаҷми таъминоти смартфонҳо

0
1 026 просмотров

Чанд рӯз пеш ширкати тадқиқотии чинии Risingsun даҳгонаи пешсафони ҷаҳониро оид ба ҳаҷми тамъминот бо смартфонҳо ба нашр расонид. Аҷибаш дар он аст, ки дар ин ҷода ҷойи зиёдро  маҳз истеҳсолгарони чинӣ ишғол кардаанд.

Инак, дар рейтинги чорки аввали соли 2017-ум ҷойи яккумро чун ҳамеша Samsung (бо нишондиҳандаи 80 миллион дона) ишғол кардааст. Ҷойи дуюмро ширкати бузурги амрикоии Apple (бо нишондоди 51 миллион дона) гирифтааст. Сегонаи пешсафро Huawei ҷамъбаст менамояд, ки нишондиҳандааш то 35 миллион дона смартфон мебошад. Ҷойи чорумро бренди маъруфи ОPPO (бо 26 миллион дона) ва ҷойи панҷумро Vivo (бо нишондиҳандаи 19 миллион дона) ишғол намудаанд.

Панҷгонаи дуюмро тамғаи маъруфи Xiaomi боз мекунад. Нишондиҳандаи ҳаҷми таъминот дар чоряки аввали соли 2017-ум 15 миллион донаро ташкил додааст. LG низ тақрибан ҳамин гуна нишондод дорад. Ҷои ҳаштумро дар ҳаҷми таъминоти смартфонҳо ширкати Lenovo ишғол кардааст, нишондоди ҳаҷми таъминот 12 миллион дона мебошад. Дар зинаи нуҳӯм бренд ZTE (бо нишондоди 9 миллион дона), ва ниҳоят ҷойи даҳумро дар рӯйхати пешсафони ҷаҳон аз рӯйи ҳаҷми таъминот бо смартфон ширкати Gionee (бо нишондоди таъмин намудан бо 8 миллион дона смартфон) ишғол намудааст.

Бо вуҷуди ин, маълумотҳои оморӣ пастравии ҳаҷми умумии таъминотро аз 439 миллион дона дар чоряки чоруми соли гузашта то чоряки аввали соли 2017-ум ҳаҷми таъминотро 351 миллион дона  ба қайд гирифтааст, ки 88 миллион дона кам мебошад. Ҳамзамон дар муқоиса бо давраи аналогии соли 2016-ум болоравии ҳаҷми таъминоти смартфон 5,4% -ро ташкил додааст.

Нет комментариев

Также рекомендуем

М-Банкинг аз ТАҚХ «ИМОН»

Дар баробари дигар бонкҳо, «ИМОН ИНТЕРНЕШНЛ» хизматрасонии банкинги мобилиро барои ба роҳатии мизоҷони худ пешниҳод мекунад. Акнун истифодаи маблағҳои худ ба намуди электронӣ хеле қулай гардид. ...
%d такие блоггеры, как:

Сообщить об опечатке

Текст, который будет отправлен нашим редакторам: