Дар бузургтарин шабака функтсияи ҳаётан муҳим пайдо шуд.

0
445 просмотров

Дар шабакаи иҷтимоии Facebook функтсияе пайдо шуд ва он имкон медиҳад, ки ба хадамоти махсус дар бораи истифодабарандаи қасди худкушидошта хабар дода шавад. Дар ин бора The New York Times менависад.

Функтсия чӣ хел кор мекунад?

Вақте, ки Шумо дар шабакаи иҷтимоӣ сабтеро дида, пай мебаред, ки нафаре қасди худкушӣ дорад, тугмачаи дар паҳлўи он сабт воқеъ бударо пахш мекунед ва паёмакро ба хадамоти махсуси Facebook ирсол менамоед.

Ин гуна паёмакҳо ҳамарўза, давоми 24 соат аз назар гузаронида мешаванд. Муаллифи маводе, ки дар борааш ба хадамот хабар мерасонед, огоҳинома дар бораи кўмак расониданро мегирад. Барои интихоб якчанд намуна пешниҳод карда мешавад – навиштан ба одаме, ки эътимод доред; муроҷиат кардан ба хадамоти дастгирикунанда; гирифтани маслиҳат ва кўмак дар саҳифаи Facebook.

Функтсияи нав аллакай барои доираи истифодабарандагони англисзабони шабака дастрас мебошад ва оҳиста-оҳиста барои истифодабарандагони давлатҳои дигар низ фаъол карда мешавад. Ба ғайр аз ин, шабакаи иҷтимоӣ рақами хадамоти махсусро нашр кардааст, ки дар ҳолатҳои бўҳронӣ мадад расонида метавонад.

Дар бораи ин функтсияи нав ба дўстони худ қисса кунед, зеро он дар ҳақиқат ҳам метавонад ҳаёти нафареро аз марг наҷот диҳад.

https://hi-tech.mail.ru/news/facebook-save-lives/

Нет комментариев

Также рекомендуем