Бо мақсади пешгирии истифодаи маводи дорувории муҳлати истифодаашон гузашта давоми 9 моҳи соли 2020 фаъолияти 409 муассисаи фарматсевтӣ зери санҷиш қарор дода шуд, хабар медиҳад АМИТ «Ховар» бо истинод ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.
Зимни санҷишҳо аз муассисаҳои фарматсевтии ҷумҳурӣ 588 номгӯй маводи доруворӣ ва ба миқдори 11392 адад молҳои тиббӣ аз муомилот гирифта шуданд.
Ҳамзамон бо иштироки комиссияи махсус ба миқдори 56 918 кг доруворӣ, молҳои тиббӣ, маводи ороишию гигиенӣ ва ғизоии қалбакӣ, пастсифати ба таври қочоқ воридшуда, муҳлати истифодаашон гузашта, бе сертификати мутобиқат ва сифат бо роҳи сӯзонидан нобуд карда шуданд.
Манбаъ: АМИТ «Ховар»
Нет комментариев