Дар ду моҳ арзоншавии нархи гӯшт, биринҷ, картошка, орди навъи якум ва бензин ба қайд гирифта шуд

0
403 просмотров

Тавре аз маълумоти омори расмӣ бармеояд, дар моҳи феврали соли равон сатҳи таваррум тамоюли пастравӣ дошта, нисбат ба моҳи қаблӣ 0,9 банди фоизӣ коҳиш ёфт ва ба 0,5 фоиз баробар шуд. Аз аввали сол нишондиҳандаи мазкур 1,9 фоизро ташкил намуд. Таварруми ҳосилшуда дар ду моҳи соли равон аз ҳисоби нархи маҳсулоти озуқа ба андозаи 2,1 фоиз, ғайриозуқа 1,1 фоиз ва хизматрасониҳои пулакӣ 3,2 фоиз ба миён омад.
Сатҳи таварруми солона (барои 12 моҳи охир) дар моҳи феврали соли равон 6,3 фоизро ташкил намуд, ки нисбат ба ҳамин давраи соли гузашта 0,5 банди фоизӣ кам мебошад.
Омилҳои асосии пастравии таваррум, бахусус дар моҳи феврал- ин муътадил гардидани вазъи бозори дохилии асъор ва устуворшавии қурби пули миллӣ нисбат ба асъорҳои хориҷӣ арзёбӣ гардида, ба коҳиши нархи молу маҳсулоти асосии воридшаванда, хусусан орд, шакар, равған, масолеҳи бинокорӣ, маҳсулоти нафтӣ (бензин ва гази моеъ) ва ғайра таъсир расонид.
Дар баробари ин, афзоиши пешниҳоди маҳсулоти истеҳсоли ватанӣ ва аз ҳисоби захираҳои моддии давлатӣ ба фурӯш баровардани молу маҳсулоти аввалиндараҷа ба раванди пастравии сатҳи нархҳо низ мусоидат намуданд.
Дар ду моҳи соли равон арзоншавии нархи гӯшти гов ва гӯсфанд, биринҷ, картошка, сабзӣ, шир, тухм, орди навъи якум, ангишт ва бензин ба қайд гирифта шуд.
Бояд тазаккур дод, ки раванди муътадили сатҳи таваррум омили асосии таъминкунандаи суботи молиявӣ ва устуворкунандаи вазъи иқтисодию иҷтимоӣ ба шумор меравад.

Манбаъ: АМИТ «Ховар»

http://khovar.tj/2016/03/dar-du-mo-arzonshavii-narhi-g-sht-birin-kartoshka-ordi-navi-yakum-angisht-va-benzin-ba-ajd-girifta-shud/

 

Нет комментариев

Также рекомендуем

Голландия установила исторический антирекорд в отборе Евро-2016

Бронзовые призеры чемпионата мира-2014 стали главной сенсацией отбора Евро-2016. Провал сборной Голландии в отборочном турнире к чемпионату Европы 2016 года стал главной сенсацией квалификации. «Оранжевые» заняли лишь ...