Дар Душанбе молу маҳсулоти «Made in Belarus» ба намоиш гузошта мешаванд

0
1 585 просмотров

6 апрел шаҳри Душанбе мизбони намоишгоҳи молҳои тавлидотии Беларус таҳти унвони «Made in  Belarus» мегардад, ки он дар меҳмонхонаи «Hyatt Regency Dushanbe» ташкил карда мешавад. Интизор меравад, ки беш аз 40 ширкати Беларус молу маҳсулоти худро, ки аз техника ва таҷҳизоти кишоварзӣ, чорводорӣ ва зироаткорӣ, доруҳои байторӣ, маҳсулоти хӯрокворӣ ва нӯшокиҳо, саноати чӯбкорӣ, ҷевон, таҷҳизоти тиббӣ, фармасевтӣ, туризми тиббӣ, техника ва дастгоҳҳои истихроҷи маъдан, инфрасохтори нақлиётӣ, масолеҳи сохтмонӣ ва пардозӣ, технологияҳои илмӣ, маҳсулоти ороишӣ, маводи кимиёвӣ ва ашёи рӯзгор иборатанд, ба намоиш гузорад.

Аз Кумитаи давлатии сармоягузорӣ ва идораи амволи давлатии Ҷумҳурии Тоҷикистон иттилоъ доданд, ки дар доираи намоишгоҳи «Made in Belarus» дар Душанбе  ҳамзамон Шӯрои соҳибкорони Тоҷикистон-Беларус-Афғонистон бо иштироки доираҳои соҳибкорӣ ва Форуми тиҷоратии  се кишвар баргузор мегардад.

Дар Форуми тиҷоратӣ масъалаҳои тавсеаи ҳамкории мутақобилан судманди иқтисодию тиҷоратӣ миёни Тоҷикистон, Афғонистон ва Беларус матраҳ мегарданд. Ин чорабиниҳо дар ҳошияи ҷаласаи навбатии Комиссияи байниҳукуматии Тоҷикистон ва Беларус оид ба ҳамкории иқтисодию тиҷоратӣ гузаронида мешаванд.

Манбаъ: АМИТ «Ховар»

Нет комментариев

Также рекомендуем

Маҷлиси Ҳукумати Ҷумҳурии Тоҷикистон

Имрӯз таҳти раёсати Президенти Ҷумҳурии Тоҷикистон, Раиси Ҳукумати кишвар Эмомалӣ Раҳмон маҷлиси навбатии Ҳукумати Ҷумҳурии Тоҷикистон баргузор шуд. Дар маҷлиси навбатӣ нахуст масъалаи кадрҳо баррасӣ ...

Сообщить об опечатке

Текст, который будет отправлен нашим редакторам: