Дар гулгашти меҳмонхонаи «Эҳсон»-и Хуҷанд беш аз 80 бех ниҳолҳои нодири ҳамешасабз шинонида шуданд

0
699 просмотров

24 январ дар майдони назди меҳмонхонаи «Эҳсон»-и хиёбони Исмоили Сомонии шаҳри Хуҷанд беш аз 80 бех ниҳолҳои нодири ҳамешасабз шинонида шуданд. Тибқи нақшаи чорабиниҳои созандагии Мақомоти иҷроияи ҳокимияти давлатии шаҳри Хуҷанд гулгашти ҳудуди меҳмонхонаи мазкур  то  таҷлили Наврӯзи байналмилалии 2021 ба макони истироҳату фароғати шаҳрвандон табдил мегардад.

Тавре аз хадамоти матбуоти  Раиси вилояти Суғд ба АМИТ «Ховар» иттилоъ доданд, ҳоло дар ин майдон беш аз 20 нафар сохтмончиёни ҶДММ «Хушофар» корҳои ободонӣ анҷом медиҳанд.  Айни замон роҳрави ин мавзеъ бо ороиши хос сохта шуда, дар он беш аз 20 адад нишастгоҳ насб карда мешаванд.

Тибқи тавсияи мутахассисон, беҳтарин давра барои шинонидани дарахтони ороишӣ, ҳамешасабз ва мевадиҳанда-  ин охири моҳи ноябр ва декабру январ мебошад. Зеро дар ин муддат ҳолати оромиши ниҳол дар зери хок гузашта, барои сабзиши оянда хубтар мутобиқ мегардад.

Иқдоми мазкур дар доираи маъракаи сабзу хуррамгардонии «1300 рўзи меҳнати зарбдор ба истиқболи 30-солагии Истиқлоли давлатии Ҷумҳурии Тоҷикистон» роҳандозӣ шудааст.

Манбаъ: АМИТ «Ховар»

Нет комментариев

Также рекомендуем

Сжиженный газ повысился на 10%

Стоимость сжиженного газа в столице Таджикистана городе Душанбе за последние дни повысилась почти на 10 процентов. Это наиболее востребованный в республике вид автомобильного топлива. В ...

Сообщить об опечатке

Текст, который будет отправлен нашим редакторам: