Дар Иди Қурбон як рӯзи истироҳатӣ эълон шудааст

0
992 просмотров

24 сентябр дар Тоҷикистон  ва дигар давлатҳои мусулмонӣ Иди Қурбон ҷашн  гирифта мешавад.  24 сентябр ҳамчун рӯзи ид аз ҷониби Шӯрои уламои Маркази исломии Тоҷикистон муайян гардидааст.
Мувофиқи Конуни ҶТ «Дар бораи рӯзҳои  ид» рӯзи Иди Қурбон рӯзи истироҳатӣ эълон гаштааст.
Имсол ин ид ба   рӯзи корӣ рост омадааст  ва аз ҳамин сабаб истироҳат ба дигар рӯз гузаронида намешавад. Яъне, шаҳрвандони Тоҷикистон як рӯз- 24 сентябр истироҳат хоҳанд кард.  23 сентябр  аз сабаби тайёрӣ ба ин ид соати корӣ  як соат кам карда мешавад.
Дар ин бора ба АМИТ «Ховар» аз Федератсияи мустақили иттифоқҳои касабаи Тоҷикистон хабар доданд.   25 сентябр рӯзи корӣ мебошад.
Бояд зикр намуд, ки Иди Қурбон чун анъана дар ҳамаи масҷидҳои кишвар бо намоз оғоз мегардад. Баъдан ҳамаи мусулмонон ба зиёрати сари манзили гузаштагони худ рафта, пас аз он ба аёдати хешу табор ва дӯстону наздикон мераванд.

Дар ин бора khovar.tj хабар медиҳад.

Нет комментариев

Также рекомендуем