Дар Иттиҳоди Аврупо истифодаи лампаҳои галогенӣ манъ карда шуд

0
65 просмотров

Аз 1 сентябри соли 2018 дар кишварҳои Иттиҳоди Аврупо манъи истифодаи лампаҳои галогенӣ (лампаҳои тафсон) мавриди амал қарор мегирад. Дар ин бора «Telegraf.by». хабар медиҳад. Дар навбати аввал истифодаи лампаҳои гуногунранг ва чароғпояҳо манъ карда мешавад. Ба харидорон пешниҳод карда мешавад, ба ҷойи ин гуна лампаҳо аз лампаҳои диодии равшан, ки неруи барқро нисбат ба намудҳои галогенӣ 5 маротиба камтар сарф мекунад, истифода баранд. Даст кашидан аз истифодаи лампаҳои галогенӣ имкон медиҳад, ки дар як сол аз 15 миллион тонна партовҳои карбон пешгирӣ карда шавад. Коршиносон бар он назаранд, ки харидорӣ намудани лампаҳои галогенӣ арзонтар, вале сарфи неруи барқ ҳангоми истифодаи онҳо нисбат ба чароғҳои диодии равшан зиёдтар аст. Аз рӯи ҳисобҳои «Philips», истифодабарандагон дар сурати гузаштан ба истифодаи лампаҳои диодии равшан метавонанд дар як сол беш аз €124 сарфа кунанд. Дар баробари ин, муҳлати истифодаи лампаҳои галогенӣ ба ҳисоби миёна 2 сол, муҳлати хизматрасонии намудҳои диодии равшан бошад, 10-15 сол аст.

Манбаъ: http://jahonnamo.tj

Нет комментариев

Также рекомендуем

Конференсияи байналмилалии сайёҳӣ дар Душанбе

Дирӯз Конференсияи байналмилалии сайёҳӣ  доир гардид. Муовини якуми Сарвазири Ҷумҳурии Тоҷикистон Давлаталӣ Саид зимни ифтитоҳи конференсия зикр намуд, ки «Ҷумҳурии Тоҷикистон дорои мероси ғании таърихиву ...