Дар Маҷмааи фарҳангию таърихии «Қалъаи Хуҷанд» намоиш-фурӯши маҳсулоти ҳунармандон баргузор мегардад

0
495 просмотров

Дар Боғи фарҳангӣ-фароғатии ба номи Камоли Хуҷандии маркази вилоят намунаҳои маҳсулоти ҳунарҳои миллӣ ва ашёҳои таърихӣ ба намоиш гузошта шуд.

Баргузории намоишгоҳи маҳсулоти ҳунарҳои миллӣ бо мақсади боз ҳам рушд бахшидан ва эҳё намудани анъанаҳои мардумӣ бо ибтикори маъмурияти Муассисаи давлатии Маҷмааи фарҳангию таърихии «Қалъаи Хуҷанд» руйи кор гирифта шудааст. Ба иттилои масъулин минбаъд ҳар ҳафта рӯзи чоршанбе  намоиши намунаҳои маҳсулоти ҳунарҳои миллӣ ва ашёҳои таърихӣ дар ҳамин мавзеъ доир карда мешавад.

Дар маросими ифтитоҳи намоишгоҳ баромадкунандагон изҳор доштанд, ки дар гузашта рӯзҳои чоршанбе дар ҳамин мавзеъ бозор баргузор мешудааст ва тасмим гирифта шуд, ки дар асоси он намоиш ва фурӯши маҳсулоти ҳунарҳои мардумӣ ба роҳ монда шавад. Гузашта аз ин Маҷмааи фарҳангию таърихии «Қалъаи Хуҷанд» мавзеи сайёҳӣ ва макони истироҳату фароғати сокинону меҳмонони вилояти Суғд ба ҳисоб меравад ва намоишгоҳи мазкур имконият медиҳад, ки меҳмонону сайёҳон ба молу маҳсулоти ҳунарҳои мардумӣ дастрасӣ пайдо намоянд.

Дар растаҳои маҳсулоти ҳунарҳои миллӣ аз ҷониби беш аз 20 нафар ҳунармандон, аз ҷумла кордсозон, сангтарошон, сабатбофон, зардӯзону дигар намуди анъанаҳои миллӣ ва ҷамъоварандагони ашёҳои таърихӣ маҳсулоти гуногун ба намоиш ва фурӯш гузошта шуд.

Хадамоти матбуоти
Раиси вилояти Суғд

Нет комментариев

Также рекомендуем

Қурби асъор барои имрӯз

Бонки миллии Тоҷикистон (БМТ) имрӯз, 11 январи соли равон , бо мақсади ҳисобгирии муҳосибӣ ва пардохтҳои гумрукӣ қурби расмии асъори хориҷиро чунин муайян кардааст: 1 ...
%d такие блоггеры, как:

Сообщить об опечатке

Текст, который будет отправлен нашим редакторам: