Дар Остона Рӯзи миллии Ҷумҳурии Тоҷикистон баргузор гардид

0
56 просмотров

Дар Намоишгоҳи байналмилалии ЭКСПО-2017, Рӯзи миллии Ҷумҳурии Тоҷикистон доир шуд. Рӯзи миллии Ҷумҳурии Тоҷикистон бо баланд бардоштани байрақи Тоҷикистон ва Қазоқистон зери садои суруди миллии ду кишвар оғоз гардид. Дар доираи Рӯзи миллии Ҷумҳурии Тоҷикистон таҳти шиори «Истифодаи самараноки захираҳои обӣ ва қувваи барқ» намоишгоҳ  пешниҳоди иштирокдорон гардид. Намоишгоҳ таваҷҷуҳи  намояндагони расмӣ ва сайёҳони кишварҳои гуногунро ба худ ҷалб намуд. Иштирокдорон ва меҳмонон тавассути   он бо табиат, канданиҳои фоиданок, иқтидори энегетикӣ ва обӣ, фарҳанг ва таърихи тоҷикон ошноӣ пайдо намуданд. Хусусан  дарахти бахт, ки баргу шохаҳояш бо сангҳои қимматбаҳои Тоҷикистон оро ёфта буданд,  диққати ҳамагонро ба худ ҷалб намуд. Шоми ҳамон рӯз  дар Амфитеатр, ки дар ҳудуди Намоишгоҳи ЭКСПО-2017 воқеъ гардидааст, консерти устодони санъати Тоҷикистон доир гардид. Дар барномаи консертӣ ансамблҳои «Базморо», «Садои Суғд», «Фалак» ва ҳунармандони шинохта чун  Фотима Машрабова, Дамирбек Олимов, Абдураҳмон Мадхолов, Искандар Тагиров, Раҳматулло Бойматов ва Фарҳод Одинаев санъати нотакрори рақс ва суруду оҳанги тоҷикиро пешкаши иштирокдорон намуданд.

 

Манбаъ: www.khovar.tj

Нет комментариев

Также рекомендуем

Дарзмол бо таги металлии гармшаванда

Имрӯза маслиҳатҳои манфиатбахши мо оиди интихоб ва истифодабарии дарзмол бо таги металлии гармшаванда мебошад. Мехоҳам дар оғоз Шуморо андаке бо таърихи пайдоиши дарзмол шиносоӣ намоям. ...