Пирӯзии Анастасия ва Некрӯз дар озмуни «Хонандаи сол-2018»

0
1 334 просмотров

Дар Мактаби таҳсилоти миёнаи умумии №23-юми шаҳри Хуҷанд даври ниҳоии озмуни шаҳрии «Хонандаи сол-2018» баргузор гардид. Дар ин давр 9 нафар довталаб аз руйи чор шарти озмун: муаррифиномаи дониш ва ҷаҳонбинии хонанда, маҳорати сухандонӣ аз руйи мавзӯйи додашуда, саволҳои сиёсӣ ва намоиши истеъдоду лаёқат байни ҳам  рақобат намуданд.

Даври ниҳоии озмуни шаҳрии «Хонандаи сол-2018»-ро панҷ нафар аъзоёни ҳакамон баҳогузорӣ намуданд. Аз руйи натиҷагирии доварон ҷойи аввалро хонандаи гимназияи №1 Некрӯз Шораҷабов ва Шоҳҷоизаро толибаи мактаби хусусии «Файз» Анастасия Муҳаммадова  ба даст оварданд.

Мақомҳои дуюмро хонандаи мактабии хусусии «Ирфон» Маҳбуба Қозихонова, талабаи мактаби хусусии «Ю.Рустамов» Меҳроҷ Муҳаммадзода, муҳассили литсейи донишкадаи политехникӣ Малика Ахмедова, ҷойҳои сеюмро донишомӯзи синфи 10-и гимназияи №24 Мутриба Самадова, хонандаи синфи 10-и МТМУ №20 Мубина Муқимзода ва ҷойҳои чорумро талабаи МТМУ №16 Муниршайх Ҳасанов ва муҳассили МТМУ №18 Ҷаҳонгир Шарипов соҳиб гардиданд.

Ба ҳамаи иштирокчиёни озмун ифтихорномаи шуъбаи маориф ва тӯҳфаҳои хотиравӣ аз тарафи роҳбари мағозаи «Шапарак» Зайниддин Каримов супорида шуд.

Бояд қайд намуд, ки озмуни шаҳрии «Хонандаи сол-2018» дар ду давр гузаронида шуд. Дар даври аввали озмун 40 нафар хонандагони синфҳои 10-11 муассисаҳои таълимии шаҳри Хуҷанд иштирок намуда буданд.

Манбаъ: Дафтари матбуоти Раиси шаҳри Хуҷанд

Нет комментариев

Также рекомендуем

Боздошти кормандони ВКД барои нашъаҷаллобӣ

Кормандони Кумитаи давлатии амнияти миллии ҷумҳурӣ дар ҳамдастӣ бо марзбонон рӯзи шанбеи ҳафтаи гузашта зимни интиқоли миқдори зиёди маводи мухаддири ҳашиш ба Душанбе аз ноҳияи ...