Мушовири президенти Федератсияи Русия, оид ба манбаъҳои интернетӣ, Герман Клименко дар мусоҳиба ба Russia Today гуфт, ки аз соли 2017-ум дар Русия ба ҷорӣ кардани шиносномаҳои электронӣ оғоз мекунанд. Дар ин бора Рамблер/новости хабар медиҳад.
Мувофиқи суханони Клименко, ҳоло «марҳилаи чӣ тавр офаридани дафтари қайди ягона барои шаҳрвандон идома дорад». Бо ин дафтари қайд тамоми мақомотҳои ҳукуматӣ дар якҷоягӣ кор хоҳанд кард. «Ҳар як нафар соҳиби шиносномаи электронӣ бо рақами бемисл мегардад», — гуфт мушовири президент ва шарҳ дод, ки ин чиз ба шаҳрвандон барои дастрас кардани қисми зиёди хазматрасониҳои давлатии онлайнӣ мадад мерасонад.
Клименко шиносномаи электрониро «сарфа намудани вақт ва ҳам варак» номидааст. Ӯ қайд мекунад, ки ҳоло кадом идораҳо ё муассисаҳо ба ин дафтари қайд шомил карда мешаванд, номаълум аст. Шояд барои шиносномаи электронӣ сохтори наверо таъсис диҳанд.
Дар аввал чунин пиндошта шуда буд, ки Хадамоти федеролии муҳоҷират дар соли 2016-ум ба русиягиҳо шиносномаи электронии тасдиқкунандаи шахсиятро медиҳад. Гуфта шуда буд, ки он шиносномаҳо дорои корт бо маълумоти муфассал дар бораи шаҳрванди Федератсияи Русия хоҳанд буд. Яъне дар чунин шиносномаҳо сурат, ному насаб, суроғаи ҷойи зист, рақами мушаххаси андозсупоранда (ИНН), рақами суғуртанома имзои электронӣ ва рақамӣ ҷой дода мешаванд. Дар оянда бошад, изи ангуштони дастро низ нишон додан имконпазир мегардад. Он нафароне, ки ба шиносномаҳои электронӣ гузаштан намехоҳанд, то соли 2030-юм аз шиносномаи қоғазӣ истифода бурда метавонанд. Аз оғози соли 2025-ум ба шаҳрвандон додани шиносномаҳои коғазиро қатъ мегардонанд. Аз санаи 1-уми январи соли 2030-юм шиносномаҳои коғазӣ қувваи эътибори худро гум мекунанд.
Нет комментариев