Дар асоси дастуру ҳидоятҳои Асосгузори сулҳу Ваҳдати миллӣ — Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон ва супориши Раиси вилояти Суғд Абдураҳмон Қодирӣ дар маркази вилоят — шаҳри Хуҷанд корҳои ободонӣ ва созандагӣ бомаром идома доранд.
Баробари фароҳам омадани ҳавои мусоид корҳои таъмиру ҳамвор намудан ва мумфаршкунии кӯчаҳои шаҳр шурӯъ гардиданд.
Раиси шаҳри Хуҷанд Маъруф Муҳаммадзода дар оғози корҳои мумфаршкунии кӯчаи «Роҳи абрешим» — маҳаллаи «Навбаҳор» ширкат намуд.
Назар ба маълумоти масъулини Идораи роҳсозии шаҳр масофаи кӯчаи мазкур 375 метрро ташкил дода, роҳсозони шаҳр таъмир ва мумфаршкунии пурраи роҳро давоми 4 рӯз ба нақша гирифтаанд. Ҳоло барои анҷоми корҳои мавҷуда дар ин роҳ 8 нафар кормандон бо 5 техникаи лозима бо асфалтпӯш намудани роҳ машғуланд.
Ҳамзамон лозим ба ёдоварист, ки имсол мувофиқи нақшаи тасдиқнамуда мумфаршкунии пурраи наздик 40 км роҳи кӯчаю хиёбон ва роҳҳои дохили маҳаллаҳои шаҳр пешбинӣ гашта, бештар аз 4 км роҳи маркази влоят аз таъмири ҷорӣ бароварда мешавад.
Айни замон роҳсозони Хуҷанд барои анҷоми корҳои мумфаршкунӣ бо маблағгузории Мақомоти иҷроияи ҳокимияти давлатии шаҳри Хуҷанд бештар аз 5 тонна маҳсулот аз қабили битум, шағал ва ғайра захира намуданд.
Манбаъ: http://www.khujand.tj/
Нет комментариев