Дар шаҳри Истаравшан Маркази саломатӣ бунёд мегардад

0
146 просмотров

Дар деҳаи Навободи Ҷамоати деҳоти Нофароҷ, ки дурдастарини деҳа ба ҳисоб меравад, барои бунёди Маркази саломатӣ санги асос гузошта шуд.

Тавре аз мақомоти иҷроияи ҳокимияти давлатии шаҳри Истаравшан иттилоъ доданд, Маркази саломатӣ баистиқболи 30-солагии Истиқлолияти давлатии Ҷумҳурии Тоҷикистон бунёд карда мешавад.

Дар маросими оғози корҳои сохтмонӣ раиси шаҳри Истаравшан Баҳром Иноятзода, сардори шуъбаи Вазорати корҳои дохилии Ҷумҳурии Тоҷикистон дар шаҳри Истаравшан Шамсулло Маҳмудов, сардори шуъбаи Раёсати Кумитаи давлатии амнияти миллии Ҷумҳурии Тоҷикистон дар шаҳр Абдуалӣ Ҷӯраев, раисони ҷамоатҳои деҳот, кумитаи маҳаллаҳо ва сокинони деҳа иштирок намуданд.

Бинои Маркази саломатӣ аз  як ошиёна иборат буда, дар он утоқҳои кории духтурони оилавӣ, таваллудхона, ташхисгоҳ ва нуқтаи хатнаи кӯдакон ҷойгир карда мешаванд.

Тибқи иттилои манбаъ ин иншооти соҳаи тандурустӣ бо дастгирии мақомоти иҷроияи ҳокимияти давлатии шаҳри Истаравшан ва маблағгузории мақомоти милитсияи шаҳри Истаравшан дар якҷоягӣ бо соҳибкорони бурунмарзӣ бунёд хоҳад шуд.

Манбаъ: Хадамоти матбуоти Раисив илояти Суғд

Нет комментариев

Также рекомендуем

Президент ба Москва рафт

Президенти Ҷумҳурии Тоҷикистон Эмомалӣ Раҳмон ҷиҳати иштирок дар ҷаласаи навбатии Шӯрои амнияти дастаҷамъии Созмони Аҳдномаи амнияти дастаҷамъӣ ба шаҳри Москваи Федератсияи Русия сафар кард. Дар ...