Дар шаҳру навоҳии вилоят 98,5 фисади кўдакон эмгузаронӣ шуданд

0
74 просмотров

Дар «Рўзҳои миллии иммунизатсияи иловагӣ бар зидди бемории сурхча ва гулафшон», ки аз 15 то 26 май гузаронда шуд, дар шаҳру навоҳии вилоят 511 ҳазору 435 нафар кўдакони аз 1 то 9 – сола эмгузаронӣ гардиданд, ки аз миқдори умумии иммунизатсиягирандагон 98,5 фоиз кўдаконро ташкил медиҳад. Бо мақсади дар сатҳи баланд гузаронидан ва таъмини иҷрои Қарори Ҳукумати Ҷумҳурии Тоҷикистон оид ба «Рўзҳои миллии иммунизатсияи иловагӣ бар зидди бемории сурх-ча ва гулафшон дар Ҷумҳурии Тоҷикистон» ҳамаи шароит фароҳам оварда шуд. Дар вилоят аз ҳисоби табибон, ваксинаторон ва бақайдгирандагон 416 бригадаи иммунизатсиякунонӣ фаъолият дошта, рўихати эмгирандагон 519 ҳазору 325 нафар тартиб дода шуда, тақсимоти маводи иммунизатсиякунонӣ, аз ҷумла, ваксина, сўзандору ва ҳамчунин, ҳуҷҷатҳои зарурӣ, фармоиш, нақшаи чорабинӣ, дастурамалҳо ба шаҳру навоҳии вилоят то оғози чорабинӣ тақсим шуда буд. Бояд қайд кард, ки бо фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон боз 2 ҳафтаи иловагӣ барои давом додани «Рўзҳои миллии иммунизатсияи иловагӣ» муайян карда шуд. Кўдаконе, ки аз сабаби беморӣ ё дигар омилҳо эм нашудаанд, дар ин муддат эмгузаронӣ карда мешаванд.

 Манбаъ: www.sugd.tj

Нет комментариев

Также рекомендуем

Фирдавс Муҳиддинов

Инак, имрӯз мо хостем бо сарояндаи номдори шаҳри Хуҷанд, оне, ки дар оилаи санъаткори номӣ ба дунё омадааст Фирдавс Муҳиддинов – писари шодравон Муҳаммадҷон Муҳиддинов ...