Дар шаҳри Хуҷанд мусобиқаи “Бойчечак” идома дорад.

404

Дар шаҳри Хуҷанд мусобиқаи “Бойчечак” идома дорад.Тибки нақшаи чорабиниҳои Бахши ҷавонон, варзиш ва сайёҳии шаҳри Хуҷанд ва Федератсияи футболи шаҳр баҳри рушди футбол, ҷалби васеи омма ба варзиш ва тарзи ҳаёти солим ва дар вақти таътили зимистона ҷалб намудани наврасону бачагон ба варзиш санаҳои 5 то 24 январи соли равон мусобиқаи анъанави шаҳри Хуҷанд оид ба футбол байни бачагон ва наврасони солҳои таваллудашон 1998-1999, 2000-2001 ва 2002-2003 барои дарёфти мукофоти «Бойчечак-2015» дар майдони варзишии Муассисаи давлатии «Мактаби варзишии бачагон ва наврасони №1»-и шаҳри Хуҷанд баргузор гардида истодааст.
Мусобиқа байни наврасони синну соли 2002-2003 аз санаҳои 5 то 10 январи соли равон баргузор гардид, ки дар он 10 даста , 160 нафар нафар иштирок намуданд. Дар натиҷа дастаи Лининг сазовори ҷои аввал, дастаи Шарора сазовори ҷои дуввум ва дастаи МТМУ №14 сазовори ҷои сеюм гардиданд. Ҳамчунин байни наврасони синну соли 2000-2001 аз санаҳои 12 то 17 январи соли равон баргузор гардид. Дар мусобиқа 10 даста 160 нафар наврасон иштирок намуданд. Дар натиҷа дастаи Лининг сазовори ҷои аввал, дастаи МТМУ №14 ва дастаи Садаф сазовори ҷои сеюм гардид.
Байни наврасони синну соли 1998-1999 аз санаи 19 январи соли равон баргузор гардида истодааст. Дар мусобиқа 12 даста 192 нафар наврасон иштирок намуда истодаанд. Ҷамбасти мусобиқа санаи 24 январи соли равон ба нақша гирифта шудааст.
Голибони мусобиқаи мазкур бо Ифтихорнома, медал ва тӯҳфаҳои мақомоти иҷроияи ҳокимияти давлатии шаҳри Хуҷанд қадрдони карда мешаванд. Дар ин бора khujand.tj хабар медихад.

1 КОММЕНТАРИЙ

ОСТАВЬТЕ ОТВЕТ

Лимит времени истёк. Пожалуйста, перезагрузите CAPTCHA.