Дар Боғи фарҳангиву фароғатии Абумаҳмуди Хуҷандӣ дар вилояти Суғд бахшида ба Рӯзи Ваҳдати миллӣ ва Солҳои рушди деҳот, сайёҳӣ ва ҳунарҳои мардумӣозмуни вилоятии «Рассоми ҷавон» бо ташаббуси Раёсати кор бо ҷавонон ва варзиши вилоят ташкил ва гузаронида шуд. Дар ин бора аз мақомоти иҷроияи ҳокимияти давлатии вилояти Суғд ба АМИТ «Ховар» хабар доданд.
Тавре иттилоъ дода шуд, дар озмун аз ҳамаи шаҳру навоҳии вилоят рассомони ҷавони боистеъдоду эҷодкор, ки дар даври шаҳриву ноҳиявии озмун ғолиб омада буданд, иштирок намуда, мусаввараҳои зебову пурмазмун пешниҳод намуданд. Ҳайати доварон ба маҳсули эҷоди рассомони наврасу ҷавон сазовор баҳогузорӣ намуданд.
Беҳтаринҳо муайян ва ҳамаи иштирокчиён бо сипосномаву туҳфаҳои хотиравии Раёсати кор бо ҷавонон ва варзиши вилояти Суғд сарфароз гардонида шуданд.
Манбаъ: АМИТ «Ховар»
Нет комментариев