Дар Суғд Фестивали “Гулҳо” ва “Оши палав” доир мешавад

0
476 просмотров

Бахшида ба 18 – умин солгарди Рӯзи Ваҳдати миллӣ санаи 16 июн нахустин маротиба дар маркази вилоят шаҳри Хуҷанд Фестивали “Гулҳо” ва “Оши палав” гузаронида мешавад. Дар ин бора қарори Раиси вилояти Суғд аз 2 июни соли 2015,  ба тасвиб расид.

Гуфта мешавад, ки фестивал  дар Маҷмааи фарҳангию таърихии “Қалъаи Хуҷанд” доир гардида,  иштирокчиёни беҳтарини он бо мукофотпулиҳо қадрдонӣ карда мешаванд. Тавре аз хадамоти матбуотии Раиси вилояти Суғд иттилоъ медиҳанд,  барои иштирокчиёни беҳтарини Фестивали “Гулҳо” аз рӯи бахшҳои “Ороиши беҳтарин” — 5 ҳазор сомонӣ, “Гулдастаи беҳтарин” – 3000 сомонӣ, “Икебанаи беҳтарин” – 3 000 сомонӣ, “Ороиши беҳтарин дар мевагӣ” – 2000 сомонӣ, “Гулпарвари беҳтарин” – 2 000 сомонӣ мукуфотпулӣ дода мешавад.

Барои иштирокчиёни беҳтарини Фестивали “Оши палав” бошад аз рӯи бахшҳои “Оши палави беҳтарин” – 5 000 сомонӣ, “Оши чойхонаи беҳтарин” – 3000 сомонӣ, “Ошпази касбии беҳтарин” – 3 000 сомонӣ, “Ошхури беҳтарин” – 2 000 сомонӣ, “Ошпази беҳтарин байни муйсафедон” – 1000 сомонӣ, “Ошпази беҳтарин байни занҳои калонсол” – 1000 сомонӣ, “Ошпази беҳтарин байни мардон” – 1000 сомонӣ, “Ошпази беҳтарин байни занон” – 1000 сомонӣ, “Ошпази беҳтарин байни домодҳо” – 1000 сомонӣ, “Ошпази беҳтарин байни арӯсон” – 1000 сомонӣ, “Ошпази беҳтарин байни ҷавонписарон” – 1000 сомонӣ, “Ошпази беҳтарин байни ҷавондухтарон” – 1000 сомонӣ мукофотпулиҳо супорида мешавад.  Дар ин бора аз хадамоти матбуотии Раиси вилоят иттилоъ медиҳанд.

Нет комментариев

Также рекомендуем