Дар Қубодиён гумонбар ба дуздӣ дар дорухонаҳо дастгир шуд

0
117 просмотров

Дар шуъбачаи тафтишотии ШВКД дар ноҳияи Қубодиён нисбат ба Зайниддин Саидбеков бо моддаи 244-и Кодекси ҷиноятии Ҷумҳурии Тоҷикистон парвандаи ҷиноятӣ оғоз гардида, тафтиши он идома дорад. Дар ин бора аз Вазорати корҳои дохилии Ҷумҳурии Тоҷикистон ба АМИТ «Ховар» хабар доданд.

Чанд нафар аз сокинони ноҳияи Қубодиён ба шуъбаи вазорати корҳои дохилии ноҳияи мазкур бо ариза муроҷиат намуданд, ки мағозаҳо ва дорухонаҳояшон ҳадафи дуздон қарор гирифтааст. Ҳангоми гузаронидани чорабиниҳои фаврӣ-ҷустуҷӯӣ аз ҷониби кормандони милитсия як нафар сокини ҳамин ноҳия Зайниддин Саидбеков, соли таваллудаш 1999, бо гумони содир намудани ҷинояти дуздӣ дастгир карда шуд.

Зимни пурсиши гумонбаршаванда маълум шуд, ки З. Саидбеков дар ҳудуди ноҳия тариқи шикастани қулфи дару тирезаи биноҳои дорухонаҳо ва мағозаҳо ба дохил ворид гардида, аз он ҷо маблағҳои пулиро тасарруф намуда, ба соҳибмулкон зарари молиявӣ расонидааст.

Чунин як ҳолат шаби 02 ба 03 июли соли равон ба вуқӯъ пайвастааст.

Бо шикастани қулфи дари бинои дорухонаи дар маркази ноҳия воқеъбуда, ки ба соҳибкор Курбонов Баҳодур тааллуқ дорад, ба он ворид гардидааст. Аз он ҷо бо роҳи пинҳонӣ 17 ҳазор сомониро тасарруф намуда, аз ҷои ҳодиса ғайб задааст, ки бо ин кирдораш ба ҷабрдида зарари калони моддӣ расонидааст.

Кормандони милитсия ин нафари ҷиноятпешаро дастгир карданд.
Боздоштшуда дар панҷ ҳолати ҷинояти дуздӣ гумонбар дониста мешавад.

Манбаъ: АМИТ «Ховар»

Нет комментариев

Также рекомендуем

Таъсиси Стипендияи Раиси вилояти Суғд барои донишҷӯён, магистрантон ва аспирантон

Бо мақсади ҳавасмандкунӣ, дастгирии моддиву маънавии донишҷӯён, магистрантон ва аспирантони фаъоли муассисаҳои таҳсилоти олӣ ва миёнаи касбии вилоят Стипендияи Раиси вилояти Суғд барои соли хониши ...
%d такие блоггеры, как:

Сообщить об опечатке

Текст, который будет отправлен нашим редакторам: