Дар Хуҷанд мусобиқаи боксчиён оғоз гардид

0
569 просмотров

Дар «Қасри варзиш»-и шаҳри Хуҷанд мусобиқаи анъанавии байналхалқӣ оид ба бокс ба хотири гиромидошти Қаҳрамони Иттиҳоди Шӯравӣ Исмоил Ҳамзаалиев оғоз ёфт.

Ин мусобиқа тибқи Қарори Раиси вилояти Суғд санаҳои 25-29 ноябр баргузор гашта, дар он варзишгарони вилоятҳои Бадахшони Кӯҳӣ, Хатлон, Суғд ва шаҳри Душанбе ва ҳамчунин варзишгарон аз Ҷумҳуриҳои Қирғизистон ва Ӯзбекистон иштирок менамоянд.

Дар маросими кушодашавии ин чорабинии  варзишӣ, муовини Раиси вилояти Суғд Назира Ғаффорӣ ва Раиси шаҳри Хуҷанд Раҷаббой Аҳмадзода иштирок ва суханронӣ намуданд.

Назира Ғаффорӣ паёми табрикии Раиси  вилояти Суғд Абдураҳмон Қодириро ба иштирокдорон ва варзишгарони ин мусобиқаи анъанавӣ расонда изҳори боварӣ намуд, ки ин мусобиқа барои таҳкиму рушди ин намуди варзиш мусоидат хоҳад кард.

Зокирҷон Ҳамзаалиев,- додарзодаи Исмоил Ҳамзаалиев барои гиромидошт ва эҳтироми хотири пайванди худ ба Ҳукумати Ҷумҳурии Тоҷикистон ва мақомоти вилояту шаҳр изҳори сипосмандӣ намуд.

Барои иштирокдорони мусобиқаи варзишӣ барномаи фарҳангӣ бо иштироки  ҳунармандони шинохтаи вилоят пешкаш карда шуд.

Дар ин бора аз хадамоти матбуотии Раиси шаҳри Хуҷанд иттилоъ медиҳанд. http://khujand.tj

Нет комментариев

Также рекомендуем

Сидячая работа: как сохранить здоровье

Многие девушки и женщины стремятся работать исключительно в офисах: тепло, комфортно, безопасно. Однако беда приходит, откуда ее никак не ожидаешь. По статистика, каждая третий представитель ...