Даргузашти ҳунарманди халқии Тоҷикистон

0
470 просмотров

Ҳунарманди халқии Тоҷикистон, актёри театру кино Исо Абдурашидов рӯзи 15 декабр дар синни 71-солагӣ дар Душанбе аз олам даргузашт.

Бино ба маълумоти Радиои Озодӣ, наздиконаш гуфтаанд, ҷасади ӯ рӯзи якшанбе, 16 декабр дар оромгоҳи Сари Осиёи пойтахт ба хок супурда шуд.

Исо Абдурашидов 15 марти соли 1947 дар ноҳияи Мир Сайид Алии Ҳамадонӣ ба дунё омадааст. Хатмкардаи Донишкадаи давлатии санъати театрӣ (гурӯҳи Б.Бибиоква ва О.Пижова) мебошад. Байни тамошобинон бештар бо нақши Сталин дар намоишномаи “Драмаи миллат” маъруф аст.

Исо Абдурашидов дар саҳнаи театр ва кино зиёда аз 50 нақш офаридааст. Ёдгор («Дохунда»-и Ҷ. Икромӣ), Ҷунайд ва Саҳл ибни Мансур («Рӯдакӣ»-и Ғ. Абдулло), Қиёмиддин мударрис («Алломаи Адҳам»-и С. Улуғзода), Шпигелберг («Роҳзанҳо»-и Ф. Шиллер), Эдмунд («Шоҳ Лир»-и У. Шекспир), майор Собиров («Нахҳои печида»-и М. Холов), Муборакхон («Фарёди ишқ»-и Ғ. Абдулло), домулло («Чорсӯ»-и Н. Табаров), Сталин («Драмаи миллат») ва ғайра намунае аз нақшаи офаридаи Абдурашидов дар саҳнаи театр мебошанд.

Дар филмҳои “Воқеа дар фурудгоҳ”, “Дом барои шағолҳо”, “Дарди ишқ” ва дигарон низ нақшҳои хотирмон офаридааст.

Манбаъ: “Азия-Плюс”

Нет комментариев

Также рекомендуем

Турция грозится осложнить миграционную ситуацию в Европе

ЕС столкнется с серьезной миграционной проблемой, если он в октябре не отменит визы для граждан Турции, заявил премьер-министр Турции Бинали Йылдырым в пятницу. «Ожидаемое в октябре вступление в силу соглашения об отмене виз ...
%d такие блоггеры, как:

Сообщить об опечатке

Текст, который будет отправлен нашим редакторам: