Дарёфти Ҷоизаи журналистони вилоят ба номи Ҳоҷӣ Содиқ

0
475 просмотров

Раёсати вилоятии Иттифоқи журналистони Тоҷикистон тибқи қарори Раиси вилояти Суғд аз 19 феврали соли 2019, № 80 «Дар бораи таҷлили Рӯзи матбуоти тоҷик» барои дарёфти Ҷоизаи журналистони вилояти Суғд ба номи Ҳоҷӣ Содиқ озмун эълон менамояд.

Ба озмун кормандони васоити ахбори омма, ки узви Иттифоқи журналистони Тоҷикистон буда, камаш панҷ сол ба аъзогӣ шомил ҳастанд ва дар расонаҳои хабарии маҳаллӣфаъолият доранд ё аз нашрияҳои марказӣ ва хориҷӣ дар вилоят намояндагӣ мекунанд, метавонанд ширкат варзанд.

Ба озмун маводи муаллиф (муаллифон), ки дар жанрҳои очерк, публитсистика, мақолаҳои таҳлилӣ ва жанрҳои бадеӣ, азҷумла силсилаи ҳикоявуҳаҷвияҳо, ҳазлу мутоиба дар матбуоти даврии қаламрави вилоят дар соли 2018-ум чоп шудаанд, пешниҳод карда шаванд.

Маводи журналистон, ки дар озмуни вилоятии рӯзноманигорон таҳти унвони «Хомаи созанда – 2018» пешниҳод шуда буд, ҳарчанд ғолиб дониста нашудааст, барои баррасӣ қабул карда намешавад.

Барои иштирок дар озмуни вилоятии журналистон даъвогар (даъвогарон) бояд ба созмони аввалияи журналистӣ бо ариза муроҷиат намояд. Котибони созмонҳои ибтидоӣ баъди баррасии масъала дар маҷлиси созмони аввалияи рўзноманигорон қарори дахлдорқабул карда, бо мактуби расмӣ ба номи раиси созмони вилоятиии Иттифоқи журналистониТоҷикистон пешниҳод мекунанд.

Дар ин замина, ҳамчунин камаш 10 маводи беҳтарин (нусхаи аслии дар нашрия чопшуда), ариза ва шарҳи ҳоли мухтасари даъвогар, хислатномаи аз ҷониби роҳбари нашрия тасдиқшуда бояд то 1-уми марти соли 2019, соати 17.00 ба Раёсати созмони вилоятии ИЖ Тоҷикистон (шаҳри Хуҷанд, маҳаллаи 20-ум, бинои «Кохи матбуот», ошёнаи 5-ум) ва бинои мақомоти иҷроияи ҳокимияти давлатии вилоят, утоқи 305, ба котиби масъули созмони вилоятии журналистон, бо ишораи «Ба озмуни вилоятии журналистон ба номи Ҳоҷӣ Содиқ» пешниҳод карда шаванд.Аризае, ки баъди ин мўҳлат ворид мегардад, қабул ва баррасӣ намешавад.

Ҷоизаи журналистони вилоят ба номи Ҳоҷӣ Содиқ дар рўзи таҷлили ҷашни матбуоти тоҷик ба ғолиби озмун супурда мешавад.

Манбаъ: Хадамоти матбуоти раиси вилояти Суғд

Нет комментариев

Также рекомендуем

%d такие блоггеры, как:

Сообщить об опечатке

Текст, который будет отправлен нашим редакторам: