Дастаи футболи “Хуҷанд”-и шаҳри Хуҷанд ба финали мусобиқоти Ҷоми Тоҷикистон роҳ ёфт. Дар даври нимниҳоӣ ин даста дар бозиҳои рафту баргашт бар дастаи “Барқчӣ”-и шаҳри Ҳисор бо натиҷаи умумии 4:2 дастболо гардид. Бозии аввал миёни ин дастаҳо бо натиҷаи 2:0 ба нафъи дастаи “Хуҷанд хотима ёфта буд. Бозии ҷавобӣ, ки имрӯз 4-уми октябр дар варзишгоҳи марказии шаҳри Ҳисор баргузор гардид хеле пуршиддат ҷараён гирифт. Шогирдони Мубин Эргашев дар ин дидор бар муқобили тими “Хучанд” рақобати шадид нишон дода, натиҷаи умумии ду бозиро 2:2 намуданд. Тақдири бозӣ дар дақиқаҳои иловагии пас аз бозӣ ҳал гардид. Шогирдони Рустам Хоҷаев ба бозӣ баргашта фишорро бар бозингарони ҷавони дастаи “Барқчӣ” афзоиш доданд ва ҳисоби бозии ҷавобиро баробар намуданд. Дилшод Бозоров ва Раҷаматов Шоҳрух, ки аз ҳайати бозигарони захиравӣ ба майдон омаданд, ҳисоби бозиро 2:2 намуданд. Ҳамин тариқ тими “Хуҷанд” дар бозиҳои рафту баргашт бо натиҷаи умумии 4:2 ғолиб омада ба финали Ҷоми Тоҷикистон баромад, ки дар финал бо ғолиби ҷуфти дастаҳои КМВА “Помир” ва “Истиқлол” бозӣ хоҳад кард.
Манбаъ: сомонаи расмии телевизиони «Варзиш»
Нет комментариев