Дастбанди ғайримуқаррарии LG

0
331 просмотров

LG дастпонаи KizON-ро муаррифӣ кард, ки волидон метавонанд аз ҳаракати кӯдакон аз як ҷой ба ҷойи дигарро назорат кунанд. Дар ин бора сомонаи расмии LG хабар додааст.

«KizON махсус барои кӯдакони томактабӣ ва кӯдаконе, ки ба боғча мераванд, пешбинӣ шудааст. Бо истифода аз GPS ва Wi-Fi, дастгоҳ маълумоти ҷойи қарор доштани кӯдакро бо воситаи телефон ба падару модар мерасонад. Инчунин, волидайн ба тариқи паёмак аз ҷойи муайяни кӯдак  бохабар мешаванд.

Волидайн низ дар навбати худ имкон доранд ба кӯдак ба рақами махсуси ин дастгоҳ занг зананд ва агар кӯдак давоми 10 сония ба занг посух нагӯяд, KizON ба таври автоматӣ микрофонашр рӯшан мекунад, то волидайн тавонанд бифаҳманд, ки дар гирду атрофи кӯдак чӣ овоз аст.

Ғайр аз ин, бо пахши як тугмача дар KizON кӯдак метавонад ба падару модараш занг занад. Занг задан аз ин дастгоҳ ҳангоми пайваст намуданаш ба Андройд- смартфони намуди 4.1 имкон дорад.

Истеҳсолкунандагон гуфтаанд, ки дастгоҳ бидуни қувва гирифтан, давоми 36 соат кор мекунад. Вақте қувваи он кам монд, ба рақамҳои волидайн паёмак ирсол мешавад. KizON феълан бо рангҳои гулобӣ ва зард бо қаҳрамонҳои филмҳои тасвирӣ нақш ёфтааст.

Интизор меравад, ки фурӯши KizON дар Кореяи Ҷанубӣ оғоз ёфта, то охири соли равон дар бозорҳои Аврупо ва Америкаи шимолӣ пайдо шавад. Арзиши он муқаррар нашудааст.

 

Нет комментариев

Также рекомендуем

Боиси дарозумрии инсон

Ҳар фарди солимфикру боақл мехоҳад, ки дар зиндагӣ умраш дароз бошаду номаш ҷовидона монад. Барои расидан ба ин ҳадафҳои олии инсонӣ чӣ бояд кард? Қабл ...