Дастгирии Лоиҳаи “Харитаи экологӣ” аз ҷониби устодону хонандагон

0
471 просмотров

img_9021

Дар асоси нақшаи чорабиниҳо ва дар мувофиқа бо Мақомоти иҷроияи ҳокимияти давлатии шаҳри Хуҷанд ва Шӯъбаи маорифи шаҳр рӯзи гузашта, санаи 22-юми ноябр, муаррифии Лоиҳаи “Харитаи экологӣ”-и шаҳри Хуҷанд дар Муассисаи таълимии миёнаи умумии рақами 3-юми шаҳри Хуҷанд доир гардид. Дар он беш аз 130 нафар устодон ва хонандагони мактаб иштирок намуданд.

img_9017

Директори мактаб Замирахон Алиева вохӯриро ифтитоҳ намуда, аъзои гурӯҳи кории лоиҳаро ба ин даргоҳи маърифату адаб хайра мақдам гуфт.

Муҳаррири лоиҳа Исломҷон Бобоев дар бораи мақсад ва вазифаҳои асосии Лоиҳаи мултимедиавии “Харитаи экологӣ”-и шаҳри Хуҷанд ба таври муфассал сухан гуфта, лоиҳаро муаррифӣ кард.

img_8981

Зикр шуд, ки бо ташабуси ШТРР “Тирози Ҷавонӣ” ва Медиапортали “Тироз” Лоиҳаи мултимедиявӣ (бисёррасонавӣ)-и “Харитаи интерактивии бакҳо ва қуттиҳои партов, нуқтаҳои қабули фурӯзонакҳои каммасрафи корношоям, макони оббозӣ (пляж) ва ҳоҷатхонаҳои ҷамъиятии шаҳри Хуҷанд” роҳандозӣ ва бо дастгирии Мақомоти иҷроияи ҳокимияти давлатии шаҳри Хуҷанд давоми наздик як моҳ дар амал татбиқ шуда истодааст.

img_9001

Мақсади лоиҳа – ин ҳамкории ВАО бо аҳолӣ ва сохтору идораҳои дахлдори Мақомоти иҷроияи ҳокимияти давлатии шаҳри Хуҷанд мебошад, ки он барои иттилоотонии саривақтии шаҳрвандон ва тарбияи экологии насли наврас ва ҷавонон равона гардидааст.

img_8998

Гуфта шуд, ки огоҳии иттилоотӣ ва баланд бардоштани маърифати экологии шаҳрвандон, бахусус ҷавонон ва насли наврас аз ҳадафҳои асосии лоиҳа маҳсуб мешавад.

Вазифаҳои асосии лоиҳа ин муайян кардани вазъияти кунунии (маҳаллаву микроноҳияҳо, шумора, ҷадвали корӣ) бак ва нуқтаҳои партов, ҳоҷатхонаҳо ҷамъиятӣ, нуқтаҳои қабули фурӯзонакҳои каммасрафи корношоям мебошад.

img_8980

Дар марҳилаи аввал барои рушди лоиҳа муайян кардани замима (илова)-ҳо ба харитасозӣ ва баъдан бо мултимедиявӣ зарур мебошад. Мониторинги ҳаррӯзаи нуқтаи бардоштани партов ва пешниҳоду инъикоси натиҷаи он – дар харитаи интерактивӣ низ ногузир аст.

Лоиҳа бо дастгирии Намояндагии Интернюс Нетуоркинг дар Тоҷикистон ва Мақомоти иҷроияи ҳокимияти давлатии шаҳри Хуҷанд, шахсан Раиси шаҳри Хуҷанд мӯҳтарам Шариф Шарифзода амалӣ шуда истодааст. Лоиҳа инноватсионӣ буда, формати он мултимедиявӣ (бисёррасонавӣ) мебошад.

img_9002

Мӯҳлати давомнокии даври аввали лоиҳа 3 моҳ буда, дар он 10 маҳаллаи шаҳри Хуҷанд: Пахтакор, Раззоқ, Панҷшанбе, Гулбаҳор, Бофандаи соҳили чапи дарё ва микроноҳияҳои 8-ум, 13-ум, 20-ум, 32-юм ва 34-уми соҳили рости дарё мавриди истифода ва санҷиш қарор мегиранд.

Махсусан қайд гардид, ки шаҳрвандони фаъол, бахусус ҷавонону насли наврас — мактабхонон дар амалишавии лоиҳаи “Харитаи экологӣ”-и шаҳри Хуҷанд саҳми арзандаи хешро гузошта метавонанд. Барои ин онҳо метавонанд аксҳои бо таҷҳизоти мобилии худ гирифтаашонро вобаста ба мавҷудияти партов дар кӯчаҳо ва маҳаллаҳои ҷои зист, тавассути Вотсапп (Whatsapp) ба рақами 92-882-66-66 ирсол намоянд. Иштирокчиёни фаъолро тӯҳфаҳои арзанда интизор аст!

img_9009

Дар қисми дуюми вохӯрӣ байни гурӯҳи корӣ ва устодону толибилмон дар мавзӯи тарзу усули гирифтан ва фиристодани аксҳо саволу ҷавоб сурат гирифт.

Ҳамин тариқ, муаррифии Лоиҳаи мултимедиявии “Харитаи интерактивии бакҳо ва қуттиҳои партов, нуқтаҳои қабули фурӯзонакҳои каммасрафи корношоям, макони оббозӣ (пляж) ва ҳоҷатхонаҳои ҷамъиятии шаҳри Хуҷанд” хеле ҷолиб ва барои иштирокдорон – устодону хонандагони Муассисаи таълимии миёнаи умумии рақами 3-юми шаҳри Хуҷанд низ хотирмон ба охир расид.

Гурӯҳи кории Лоиҳаи “Харитаи экологӣ” 

Нет комментариев

Также рекомендуем