Дастурамали либосҳои миллӣ хусусияти тавсиявӣ дорад

0
348 просмотров

«Дастурамали либосҳои миллӣ хусусияти тавсиявӣ ва тарбиявӣ дошта, бо мақсади баланд бардоштани одоби либоспӯшии шаҳрвандон ва тарғиби либоси миллӣ таҳия гардидааст. Он дар ояндаи наздик дастраси ҳамагон хоҳад шуд. Ин матлабро 7 феврал Вазири фарҳанги Ҷумҳурии Тоҷикистон Шамсиддин Орумбекзода зимни баргузории нишасти матбуотӣ дар ҳузури хабарнигорон баён дошт. Ҳамчунин Вазири фарҳанг изҳор дошт, ки корҳои ҳуҷҷатгузории номинатсияи ёдгории бостонии «Шаҳри асримиёнагии Ҳулбук» тавассути гузаргоҳи «Амударё» ҷиҳати пешниҳод ба Феҳристи ёдгориҳои моддии ҷаҳонӣ ба анҷом расонида шуда, барои баррасӣ ба дафтари ЮНЕСКО дар Париж ирсол карда шуд. «Корҳои тармим ва барқарорсозии девори шарқӣ ва шимолии Қалъаи Ҳулбук, ёдгории меъмории «Қасри Ҳоким»-и шаҳри Ҳисор, барқарорсозии ҷузъии Қалъаи Ҳисор оғоз гардида, мақбараи Хоҷа Аюби Ансории ноҳияи Ховалинг, мақбараи Хоҷаи Заррини  ноҳияи Данғара, Муғтеппаи шаҳри Истаравшан,  Мадрасаи Абдуллохони шаҳри Исфара, Қалъаи Вамари ноҳияи Рўшон шурӯъ шудаанд»,- иброз намуд Шамсиддин Орумбекзода. Зикр шуд, ки Вазорати фарҳанг барои дар сатҳи шоиста таҷлил намудани 140-солагии сардафтари адабиёти муосири тоҷик Садриддин Айнӣ баргузории барномаҳои зиёди фарҳангиро  роҳандозӣ намудааст.

 

Манбаъ: сомонаи расмии АМИТ «Ховар»

Нет комментариев

Также рекомендуем

Аз таърихи таҷлили Иди Меҳргон бархурдор шавед!

Дар даврони соҳибистиқлолии кишвар, ки арзишмандтарин дастоварди миллати тоҷик дар ҳазораи охир аст, бо шарофати ҳидоятҳои пайгирона ва сиёсати хирадмандонаву фарҳангпарваронаи Пешвои миллат муҳтарам Эмомалӣ ...