Устод Давлатманд Холов ба саҳна баргашт!

0
257 просмотров

Ин навбат ҳунарманд дар Париж ҳунарнамоӣ намуд ва фаронсавиҳоро тасхир кард. Пештар Давлатманд Холов изҳор дошта буд, ки пас аз баромад дар «Шоми дӯстӣ» саҳнаро тарк мекунад ва бо деҳқонӣ машғул мешавад.

Ҳунарманди мардумии Тоҷикистон, роҳбари Ансамбли давлатии «Фалак»-и Кумитаи телевизион ва радиои назди Ҳукумати Ҷумҳурии Тоҷикистон Давлатманд Холов дар барномаи Шоми фарҳанги Тоҷикистон дар Фаронса ҳунарманоӣ кард.

Тавре Сафорати  Тоҷикистон  дар  Фаронса хабар медиҳад, чанде пеш дар Париж Шоми фарҳанги Тоҷикистон дар Фаронса баргузор шуд, ки дар он яке аз чеҳраҳои шинохтаи санъати тоҷик Давлатманд Холов низ ширкат дошт.

«Дар барнома Ҳунарпешаи  халқии Тоҷикистон Давлатманд Холов ва устоди Консерваторияи миллии Тоҷикистон Шавқатҷон Оқилов  ҳунарнамоӣ ва ширкаткунандагонро ба ваҷд оварданд», — гуфта мешавад дар иттилои манбаъ.

Дар чорабинии мазкур намояндагони вазорату идораҳои Франсия, ҳайати дипломатии кишвари иқомат, гурӯҳҳои тиҷоратӣ, доираҳои илмӣ-фарҳангӣ, инчунин тоҷикони муқими  ин кишвар ва дӯстони Тоҷикистон ширкат варзиданд.

Зимни чорабинӣ  бо мақсади муаррифии бештари кишварамон мизи миллии тоҷикӣ пешкаши меҳмонон гардида, гӯшаи ҷудогона бо лавҳаю овеза ва аксҳои ҷолиб ба маърази  тамошо гузошта шуданд.

Ёдрас мешавем, Давлатманд Холов пештар дар як мусоҳиба бо хабарнигорон гуфта буд, ки пас аз ҳунарнамоӣ дар барномаи  «Шоми дӯстӣ» саҳнаро тарк мекунд ва ба деҳқонӣ машғул мешавад.

Нет комментариев

Также рекомендуем

Даргузашти Қаҳҳор Маҳкамов

Қаҳҳор Маҳкамов, нахустин Президенти Ҷумҳурии Тоҷикистон ва узви Маҷлиси миллии Маҷлиси Олии Ҷумҳурии Тоҷикистон, 8-уми июн, баъд аз бемории тӯлонӣ дар хонааш дар шаҳри Душанбе ...