Деҳае дар ноҳияи Айнӣ дар чанги сели харобиовар (акс ва видео)

0
720 просмотров

Тӯли чанд рӯз мешавад, ки сели харобиовар сокинони деҳаи Марзичи ҷамоати Анзоби ноҳияи Айниро аз хонаҳояшон берун кардаву онҳо дар кӯҳҳову хонаи хешу таборашон дар деҳаи дигар зиндагӣ мекунанд.

Довар

Довар Авезов, сокини рустои Марзич, ки бо ӯ тариқи вайбер сӯҳбат доштем, мегӯяд, ки аз санаи 1-уми июл инҷониб дар инҷо сел омадаву хонаву гараж ва ҳатто ягона пули калоне, ки сокинони ин минтақаро бо маркази ноҳия ва шаҳри Душанбеву Хуҷанд мепайваст, аз байн бурд.

 

 

Довар ҳамзамон қайд, кард, ки зиёда аз 20 нафар сокинони  хонаҳое, ки дар пайи омадани ин сел зарар диданд, тӯли чанд рӯз аст, ки дар хонаҳои хешу наздиконашон зиндагӣ доранд.

марзич 11

Ӯ ҳамчунин афзуд, ки дар ин сел 15 гаражи нақлиётҳо вайрон шудаву 5 нақлиёт зери харобаҳои ин сел монд.

Шоиста Ҷабборова, омӯзгори синфҳои ибтидоие, ки бо Радиои Озодӣ сӯҳбат кардааст, қайд намудааст, ки «Рӯз надорем, ҳол надорем, дар кӯчаҳо, дар кӯҳҳо зери борон мехобем…

Вай афзуд, дар натиҷаи сел ва ҷорӣ шудани омехтаи гилу санг шаш хона ва пуле, ки русторо бо маркази ноҳия мепайвандад, вайрон шудааст. Мо дар ҳамон тагоб қариб 5 акаву додар зиндагӣ мекунем, ба хонаҳоямон зарар расид, ҳам аз таҳ, ҳам аз боло ва ҳам аз миёна аз се тараф сел зада истодааст, имконияти ягон тараф рафтан надорем, на тарафи Душанбе, на тарафи Хуҷанд ва на тарафи кӯҳ».

Марзич 8

Ҳамчунин, Шоиста Ҷабборова зимни сӯҳбат гуфтааст, ки маъмурони наҷот ва кормандони Кумитаи ҳолатҳои фавқуллода ба маҳалли ҳодиса омада, маҷрои рӯдхонаеро, ки сангу шағал баста буд, таркониданд, то об хонаҳои мардумро зер накунад, вале маҷрои сел қатъ нашудааст.

Шоиста шикоят кард, ки мақомот ба додашон намерасанд ва хост ба мардуми осебдида ҳарчӣ зудтар кӯмак расонанд, зеро онҳо аз тамоми молу бизоаташон маҳрум хоҳанд шуд.

Довар Авезов  ҳам зимни сӯҳбат бо мо гуфт, ки кормандони мақомот ва ҳолатҳои фавқулодда як маротиба омаданду хостанд пеши пулро кушоянд, аммо натавонистанд.

Марзич 4

Ба навиштаи сомонаи Радиои Озодӣ, дар Кумитаи ҳолатҳои фавқулодда низ  гуфтанд, ки дар воқеъ дар ноҳияи Айнӣ фалокати табиӣ рух додааст, вале касе дар онҷо осеб надидааст. «Мо маълумот гирифтем, ки субҳи 5-уми июл дар деҳаи Марзичи ҷамоати Анзоби ноҳияи Айнӣ барфҳои баландкӯҳ об шудааст ва ҳамроҳ бо борон сел ба вуҷуд овардааст. Дар натиҷа як купрӯки деҳа ва 500 метр роҳи маҳаллӣ, як бунгоҳи тиббӣ зарар дидаанд,» — гуфт Суннатулло Мирзоев, майор ва навбатдори кумита.

Ба гуфтаи ӯ, сел сангу рег оварда, маҷрои рӯдхонаеро, ки аз пеши деҳа мегузарад ва онро селроҳа меноманд, бастааст ва кормандони Кумитаи ҳолатҳои фавқулодда ҳамроҳ бо кормандони як ширкати роҳсозӣ ба маҳалли ҳодиса рафта, бо таркиш маҷрои селроҳаро боз карданд. Суннатулло Мирзоев афзуд, ки комиссиони махсус ва раҳбарони кумита корҳои паёмади офати табииро назорат мекунад.

Марзич 6

Мо аз Довар Авезов хостем чанд акс ва видеоро ба мо равон созад. Ӯ тариқи вайбер ва шабакаи иҷтимоии ok.ru  ба мо ирсол кард, ки Шумо метавонед видеои онро инҷо бубинед, ки Диловар ҳатто дар зери навори гирифтааш аз пули деҳа навиштааст, ки алвидоъ кӯпрук.

Марзич 3 Марзич 9 Марзич 1 Марзич 2 Марзич 5

Нет комментариев

Также рекомендуем

Гармии тоқатфарсо то кай идома меёбад?

Кумитаи ҳолатҳои фавқулодда ва мудофиаи граждании назди ҳукумати бо истинод ба маълумотҳои Агентии обуҳавошиносии кишвар хабар медиҳад, ки то 15 июли соли 2018 (ғайр аз ...