Дезодоранти занона

0
341 просмотров

Дар аввал мехоҳам ба Шумо каме аз таърихи пайдоиши дезодорантҳо маълумот диҳем. Аз замонҳои қадим инсоният ба бӯйи хуш майл дошт. Ҳанӯз дар ҳазорсолаи 3-юми то милодӣ дар папирусҳои Мисри Қадим оид ба истифодабарии равганҳои хушбӯй маълумотҳо омадаанд. Онҳо ҳатто таркиби махсусро, ки ба дохили он корица ва меваҳои ситрусӣ ҳамроҳ карда мешуд, ба танзим дароварда буданд.

Ба Европа дар асри XIII атрро аз мамлакатҳои Шарқ салибдорон оварда буданд. Шоҳон ва дарбориён, инчунин мансабдорон аз атр васеъ истифода мебурданд. Аввалин дезодорантро сокини Филаделфия, ки номаш аз саҳифаҳои таърих гум шудааст, соли 1888 ихтироъ намуда буд. Он «Мам» ном дошта, ба намуди крем истеҳсол мегашт. Соли 1952 дезодоранти шарикӣ, соли 1965 дезодоранти пошдиҳанда пайдо шуданд.

Имрӯзҳо дар бозору мағозаҳо дезодорантҳои ширкатҳои «Дав, Рексона, Мия, Фа, Лэди спид стик, Секрет»-ро харидорӣ намудан мумкин аст. Дезодорантҳои муосир намуди зебо ва бӯйҳои гуногун доранд. Дар таркиби худ дезодорантҳо моддаҳои муқобили бактерияро доранд. Аз ҷумла, триклозан ва фарнизол. Агар триклозан сабабгори сурхшавии пӯст гардад, моддаи фарнизол баръакс пӯстро мулоим мекунад.

Агар хоҳед, ки  баданатон  бӯйи хуш дошта бошад, пас аз дезодорантҳо истифода баред. Мехоҳед донед, дезодорант аз антиперспирант чӣ фарқият дорад?

Дезодорантро метавонед бе хавотир истифода баред. Бар хилофи дезодорант антиперспирантро мунтазам истифода бурдан мумкин нест. Зеро он сабабгори хушкшавии пӯсти баданатон мегардад.

Дезодорант он гоҳ босифат шуморида мешавад, ки баъди истифодаи он дар либос доғ намонад. Ин хел дезодорантро ёфтан душвор аст. Дӯстон, агар шумо атрро истифода баред, пас дезодоранти шумо бояд бе бӯй бошад. Ё ҳам атр, ҳам дезодорант бӯйи ҳаммонанд дошта бошанд.

Дар хотир доред, ки бояд дезодорант ба бадани тоза молида шуда, бӯйи он ҳам барои худатон ва ҳам барои атрофиён хуш бошад.

Ин буд чанд маслиҳатҳои муфиди мо оид ба интихоб ва истифодабарии дезодорантҳои занона. Агар маслиҳатҳои мо ба Шумо заррае бошад ҳам манфиат оварад, мо худро хушбахт мешуморем.  

 

 

Нет комментариев

Также рекомендуем

Полезные сладости

Жизнь без сладкого пресная и скучная. Но не секрет, что многие сладости – это пустые калории и даже вред. Как же быть? Ответ единственный и ...