Дилшод Назаров дар феҳристи беҳтарин варзишгарони Осиё

0
71 просмотров

Ассотсиатсияи варзиши сабуки Осиё феҳристи беҳтарин варзишгарони ин қораро дар намудҳои гуногун мунташир кардааст. Роҳбари мунтахаби Тоҷикистон, қаҳрамони Бозиҳои олимпӣ Дилшод Назаров дар раддабандии Ассотсиатсияи варзиши сабуки Осиё байни варзишгарон мақоми аввали худро нигоҳ доштааст.Ӯ чун раддабандии соли гузашта ягона варзишкори тоҷик аст, ки ба ин феҳрист роҳ ёфтааст. Дар ин мартаба кишварҳое дар шумули Чин, Ҷопон, Ҳиндустон ва Таиланд пешсафанд. Сабқати Гран-Прии мазкур бо нишони заррини варзишгари маъруфи кишвари мо Дилшод Назаров ва суду самари ӯ поён ёфт. Мусобиқаи номбурда санаи 8-уми июли соли пор дар шаҳри Браганша Паулиста баргузор шуда буд. Дилшод Назаров дар намуди гурзандозӣ гурзро ба масофаи 75,18 метр ҳаво дода, ҷои аввалро сазовор шуд. Дар ин қувваозмоӣ варзишгари Молдова Сергей Маршиев ҷои дуюм (74,51), варзишгари Беларус Павел Барейша (73,28) зинаи сеюмро ишғол намуданд. Ин дуюмин медали Дилшод Назаров дар соли 2018 ба шумор меравад. Ва ҳам дар ин асно мавсуф дар таърихи 8-уми июн аз мусобиқаи гурзандозӣ, ки ба поси хотири қаҳрамони Бозиҳои олимпӣ Ҷанус Кусосинскӣ дар шаҳри Чорзуви Полша сурат гирифта буд, медали биринҷиро ба номаш ихтисос дод.

Манбаъ: ТВ Варзиш

Нет комментариев

Также рекомендуем

Официальный курс валюты на 20.07.2018

Национальный банк Таджикистана (НБТ) 20.07.2018 года с целью бухгалтерского учета и оплаты таможенной пошлины определил официальный курс иностранной валюты по отношению к сомони.  1 доллар ...
%d такие блоггеры, как:

Сообщить об опечатке

Текст, который будет отправлен нашим редакторам: