Дилшод Тоҳири

0
37 просмотров

Dilshod-TohiriАслан ҳар як инсон дар зиндагӣ худ мўъҷизаи нотакрори офаридаи Худованд аст. Аммо боз инсонҳое ҳастанд, ки  бо рангу ҷилои ғайриоддии худ аз дигарон фарқ мекунанд ва  ҷозиба доранд, ки мардумро сўяшон моил кунанд. Нафаре, ки имрӯз атрофаш ҳарф мезанем, ин ҳунарманди ба дилу дидаи Шумо наздик Дилшод Тоҳирӣ аст. Сӯҳбате доштем ҳафтаи қаблӣ, ки айни  ҳол пешкашӣ Шумо мегардонем.

 Даричаи ошноӣ

Дилшод Тоҳирӣ зодаи ноҳия Б. Ғафуров буда, соли 20 апрели соли 1979 дар оилаи санъаткор ба дунё омадааст. Овони кӯдакиашро дар ҳаминҷо гузаронида, бо қалби кӯчакаш орзу мекард санъаткор шуда ба халқи худ хидмат намояд. Ва ин орзуҳо бо баробари бузург шуданаш бузург шуданду онро дар амал тадбиқ намуд ва ӯ имрӯз санъаткоре ҳаст, ки дили пиру барноро ба даст оварда бо суруду таронаҳои пур аз меҳру муҳаббаташ.

Фаъолияти эҷодии Шумо кадом сол оғоз ёфт?

Дилшод Тоҳирӣ:  Аз соли 1997 фаъолияти эҷодиамро оғоз намуда будам бо номи «гр. Дилшод» ва аз ҳамон сол инҷониб дар рӯи саҳнаи ҳунар бо мухлисон ҳастам.

Аввалин албоми сурудҳои Шумо бо чӣ ном пешкаши мухлисонатон гардид?

Дилшод Тоҳирӣ:  Аввалин албоми ман  бо номи «Худоҷон» пешкаши мухлисони азизам соли 1998 гардида буд.Dilshod-Tohiri-2

Кадом хислати инсон бароятон писанд аст?

Дилшод Тоҳирӣ:  Бисёр саволи ба маврид ба хотири он, ки имрӯз дар ҷомеаи мо инсонҳои фиребгару дурӯя зиёд ҳастанд. Барои ман хислати  инсони  бовиҷдон, хоксору  ростқавл ва боимон хеле  писанд аст.

Шогирд доред?

Дилшод Тоҳирӣ:  Бале, дорам.

Ҳунари кадом санъаткорро меписандеду ба ӯ пайрави мекунед?

Дилшод Тоҳирӣ:  Ҳунари ҳунарманде, ки ҳама ӯро хеле зиёд дӯст доранд Далер Назаров ба ман писанд аст ва ман ба ӯ пайравӣ мекунам.

Агар миллион доллар медоштед, чӣ кор мекардед?

Дилшод Тоҳирӣ:  1. Ба камбизоатону ятимон ва бепарасторон медодам ва умуман онҳоро дастгирӣ мекардам.

  1. Беморхона мекушодаму хизматрасонии онро ройгон мекардам.

Ва боз чӣ кор мекардед?  

Дилшод Тоҳирӣ:  (шӯхӣ мекунад) Миллиони мо аллакай тамом шуд, чунки  мо ҳамаи онро ба беморхонаам сарф намудем.

Dilshod-Tohiri-3Сабаб дар чист, ки Шумо дер боз консерт нагузоштед?

Дилшод Тоҳирӣ:  Ба хотири он, ки мухлисонам каме мунтазир шаванд. Аммо ман барои онҳо тӯҳфаи ғайриоддӣ омода намудаам, ба наздикӣ барпо намудани консертро ба нақша гирифтам.

Сафарҳои ҳунарии Шумо дар кадом мамлакату шаҳрҳо буд то ба имрӯз?

Дилшод Тоҳирӣ:  Ман сафарҳои ҳунарии зиёд доштам, масалан дар шаҳри Душанбе, Ҷумҳурии Ӯзбекистон, Қазоқистон, шаҳрҳои бузурги Россия: Москва, Нижний Тагил, Перм, Тюмен дидан кардаму консертҳои худро гузоштам. Аз Хитой ҳам дидан кардам  ва ба наздикӣ дар шаҳри қадимаи Египет будам.

Шумо дар рӯзҳои истироҳатӣ бо чӣ кор машғул мешавед?

Дилшод Тоҳирӣ:  Ман дар рӯзҳои истироҳатӣ аслан дар хизмати мардум ҳастаму ҳамзамон суруду оҳангҳои нав эҷод мекунам ва дар сурати боз ҳам бекор монданам ба моҳидориву  шикор меравам.

Ба мухлисонатон чӣ тамманно доред?

Дилшод Тоҳирӣ:  Таманнои онро дорам, ки зиндагиашон обод бошад. Боқӣ саломат бошанд.

 

Сурдҳо аз албоми нави Дилшод:

Ва албатта клипи тозаэҷод:

03 DILAM Dilshod Tohiri & Zebo Alibekova from Portal Tiroz on Vimeo.

Нет комментариев

Также рекомендуем