Доираи истифодабарандагони ҳармоҳаи мессенджери Facebook аз миллиард нафар зиёд шуд. Ҳамин тавр, намояндагони ширкат хабар медиҳанд, ки Messenger пас аз худи Facebook дуюмин iOS-замимаи серталабот гардид. Ба пойгаҳи Android мессенджер зиёда аз миллиард маротиба пайваст карда шудааст.
Моҳи январи соли ҷорӣ аз Facebook 800 миллион нафар одамон истифода мебурданд, аллакай дар моҳи апрел ин шумора ба 900 миллион расидааст. Мувофиқӣ маълумотҳои омории худи ширкат барои Messenger аллакай зиёда аз 18 000 ботҳо офарида шудааст, ки истифодабарандагони он ҳамарӯза ба якдигар зиёда аз 22 миллион «гифкаҳо» мефиристонанд, дар як моҳ бошад, зиёда 17 миллиард сурат ва паёмак ирсол менамоянд.
Дар моҳи феврал истифодабарандагони фаъоли мессенджери дигар низ аз як миллиард гузаштааст, ки ба Facebook, — WhatsApp мансуб мебошад. «Айни замон як миллиард одамон аз WhatsApp истифода мебаранд. Ҳамагӣ якчанд хадамот мавҷуд аст, ки зиёда аз як миллиард одамонро ба ҳамдигар муттаҳид менамояд», гуфта буд он вақт роҳбари ширкат Марк Сукерберг. Дар моҳи ноябри соли гузашта шумораи истифодабарандагони худи Facebook аз 1,5 миллиард гузашта буд.
Ширкат фаъолона инкишоф додани Messenger-ро идома дода, ба он функтсияҳои навро ворид карда истодааст. На чандон пеш дар Messenger чун дар мессенджери Telegram-и Павл Дуров чатҳои махфӣ пайдо шуданд, ки тамоми мукотиботро навишта, вақтро интихоб мекунад ва пас аз гузаштани он вақт паёмакҳо худ нест мешаванд. Ба ғайр аз ин, дар фасли баҳор Messenger (инчунин мизоҷи асосии шабакаи иҷтимоии Instagram) дар намуди замимаҳои универсалӣ дар системаи оператсионии Windows 10 дастрас гардиданд.
Сарчашма: Engadget
Нет комментариев